មហាសេដ្ឋីនៅតំបន់ Silicon Valley នៅក្នុងភាគខាងជើងរដ្ឋកាលីហ្វ័រនីញ៉ា លោក David Sacks អះអាងថា ផែនការរបស់ប្រធានាធិបតីអ៊ុយក្រែន លោក វ្ល៉ូឌីមី ហ្សេឡិនស្គី ( Vladimir Zelensky) ក្នុងការបញ្ចប់ជម្លោះអ៊ុយក្រែន នឹងនាំឲ្យមានសង្គ្រាមលោកលើកទី៣។

លោក Sacks បានសរសេរនៅលើទំព័ររបស់ខ្លួននៅលើគេហទំព័រ Xថា លោកហ្សេឡិនស្គី គឺស្ថិតនៅក្នុងសហរដ្ឋអាមេរិក ដើម្បីបង្ហាញ«ផែនការជ័យជម្នះ»របស់ខួនទៅកាន់ប្រធានាធិបតី [សហរដ្ឋអាមេរិក] [Joe] Biden ។ តើផែនការនោះមានអ្វីខ្លះ? ១) ទីក្រុងគីវចូលជាសមាជិករបស់អង្គការណាតូ ២) ការវាយប្រហារដោយមីស៊ីលរយៈចម្ងាយឆ្ងាយ និងការលើកឡើងមួយទៀត គឺសង្គ្រាមលោកលើកទី៣។ 

វិនិយោគិនអាមេរិករូបនេះ បាននិយាយថា សង្ឃឹមថា លោក បៃដិន អាចចងចាំពីមូលហេតុ ដែលលោក បានបដិសេធទាំងពីរចំណុចនៃផែនការរបស់លោក ហ្សេឡិនស្គី។

មុននេះ លោក ហ្សេឡិនស្គី បានប្រកាសថា ខ្លួនមានផែនការជាក់លាក់មួយ ដើម្បីបញ្ចប់ជម្លោះ។ ទន្ទឹមនឹងនេះ លោក បានដាក់ការទទួលខុសត្រូវក្នុងការអនុវត្តផែនការនេះ ទៅលើលោក បៃដិន។ អ្នកនាំពាក្យក្រសួងការបរទេសរុស្ស៊ី អ្នកស្រី Maria Zakharova បាននិយាយថា គ្មានចំណុចណាមួយក្នុងការធ្វើអត្ថាធិប្បាយលើសេចក្តីថ្លែងការណ៍របស់លោក ហ្សេឡិនស្គីទៀតទេ។

ប្រធានាធិបតីរុស្ស៊ី លោក វ្ល៉ាឌីមៀ ពូទីន បានកត់សម្គាល់ថា អ៊ុយក្រែន មិនអាចវាយលុកចូលជ្រៅក្នុងប្រទេសរុស្ស៊ី ដោយគ្មានជំនួយពីលោកខាងលិចទេ ដោយសារប្រទេសនេះ ត្រូវការបេសកកម្មឈ្លបយកការណ៍តាមផ្កាយរណប និងការហោះហើរ ដើម្បីធ្វើដូច្នេះ។ មេដឹកនាំរុស្ស៊ីរូបនេះ ក៏បាននិយាយផងដែរថា     បណ្តាប្រទេសណាតូ មិនមែនគ្រាន់តែជជែកគ្នាអំពីសក្តានុពលនៃការប្រើប្រាស់អាវុធរយៈចម្ងាយឆ្ងាយរបស់លោកខាងលិចដោយទីក្រុងគីវប៉ុណ្ណោះទេ ប៉ុន្តែពួកគេកំពុងសម្រេចចិត្តថាតើត្រូវចូលរួមក្នុងជម្លោះអ៊ុយក្រែនដោយផ្ទាល់ឬអត់។ លោក ពូទីន បានសង្កត់ធ្ងន់ថា ទីក្រុងមូស្គូ នឹងធ្វើការសម្រេចចិត្តដោយផ្អែកលើការគំរាមកំហែងដែលនឹងត្រូវបានបង្កឡើងចំពោះរុស្ស៊ី។