អាហ្វហ្គានីស្ថាន៖ ក្រុមតាលីបង់នៅក្នុងប្រទេសអាហ្វហ្គានីស្ថាន បានព្យួរសាកសពរបស់ក្រុមចាប់ជំរិតដែលត្រូវបានគេចោទប្រកាន់ជាសាធារណៈ ជាអ្វីដែលពួកគេហៅថាការព្រមាន។ របាយការណ៍រួមទាំងព័ត៌មានពីប្រព័ន្ធផ្សព្វផ្សាយក្នុងស្រុកបាននិយាយថា បុរស ៤នាក់ដែលបានព្យាយាមចាប់ជំរិតបុរសម្នាក់ និងក្រុមគ្រួសាររបស់គេនៅទីក្រុង Herat ភាគខាងលិចត្រូវបានសម្លាប់នៅក្នុងការផ្ទុះអាវុធជាមួយក្រុមអ្នកប្រយុទ្ធតាលីបង់។
សាកសពទាំង ៤នាក់ត្រូវបានដឹកទៅកាន់ទីលានចតុរង្គកណ្ដាលទីក្រុង និងផ្លូវបំបែកក្នុងទីក្រុង ហើយព្យួរដោយរថយន្តស្ទូចកាលពីថ្ងៃសៅរ៍។ មេបញ្ជាការតាលីបង់ក្នុងតំបន់ម្នាក់បាននិយាយថា ខ្លួនមានបំណងដាស់តឿនក្រុមឧក្រិដ្ឋជនទាំងអស់ ឱ្យមានការប្រុងប្រយ័ត្នខ្លួន។ គួររម្លឹកថា កាលពីពេលដែលក្រុមតាលីបង់កាន់អំណាចកាលពីអតីតកាល ពួកគេបានអនុវត្ត ការដាក់ទណ្ឌកម្មយ៉ាងធ្ងន់ធ្ងរដូចជាការប្រហារជីវិតជាសាធារណៈ និងការកាត់អវយវៈ ដោយធ្វើតាមការបកស្រាយយ៉ាងជ្រាលជ្រៅនៃការបង្រៀនរបស់សាសនាអ៊ីស្លាម៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
