គណៈប្រតិភូជាច្រើនបានដើរចេញពីកិច្ចពិភាក្សាទូទៅនៃសម័យប្រជុំលើកទី ៧៩ នៃមហាសន្និបាតអង្គការសហប្រជាជាតិ (UNGA) កាលពីថ្ងៃសុក្រ នៅពេលលោកនាយករដ្ឋមន្ត្រីអ៊ីស្រាអែល Benjamin Netanyahu បានថ្លែងសុន្ទរកថានៅក្នុងព្រឹត្តិការណ៍នោះ ដើម្បីបង្ហាញពីការគាំទ្ររបស់ពួកគេចំពោះបទឈប់បាញ់នៅក្នុងតំបន់ ហ្កាហ្សាស្ទ្រីប។   

នៅឯមហាសន្និបាតអង្គការសហប្រជាជាតិ កាលពីថ្ងៃសុក្រ លោក Netanyahu បាននិយាយថា អ៊ីស្រាអែលមានបំណងលុបបំបាត់ក្រុមហាម៉ាស ដោះលែងអ្នកជាប់ឃុំ និងគ្មានយោធានៅតំបន់ហ្កាហ្សាស្ទ្រីប។ ដោយថ្លែងអំពីស្ថានភាពនៅព្រំដែនភាគខាងជើងរបស់ប្រទេសនេះ លោក Netanyahu បាននិយាយថា អ៊ីស្រាអែលនឹងបន្តប្រតិបត្តិការយោធារបស់ខ្លួនប្រឆាំងនឹងក្រុម ហេសបូឡា រហូតដល់បំណងទាំងអស់ត្រូវបានសម្រេច។ លោកក៏បានវាយប្រហារអ៊ីរ៉ង់ម្តងហើយម្តងទៀតនៅក្នុងសុន្ទរកថារបស់លោកនោះដែរ។   

គណៈប្រតិភូជាច្រើនដែលចូលរួមមហាសន្និបាតអង្គការសហប្រជាជាតិ បានសម្តែងការគាំទ្ររបស់ពួកគេចំពោះបទឈប់បាញ់នៅតំបន់ហ្កាហ្សាស្ទ្រីបដោយការដើរចេញ ហើយមេដឹកនាំនៃប្រទេសមួយចំនួនបានទាមទារដោយផ្ទាល់សម្រាប់បទឈប់បាញ់ពីអ៊ីស្រាអែលនៅក្នុងសុន្ទរកថារបស់ខ្លួន ។

នាយករដ្ឋមន្ត្រីស្លូវេនី លោក Robert Golob បាននិយាយថា ស្ថានការណ៍នៅមជ្ឈិមបូព៌ាគឺ ឈានដល់ចំណុចគ្រោះថ្នាក់បំផុត ហើយលោកបានជំរុញឱ្យអ៊ីស្រាអែលបញ្ចប់សង្គ្រាមជាបន្ទាន់។

នាយករដ្ឋមន្ត្រីប៉ាគីស្ថានលោក Shehbaz Sharif បានអំពាវនាវឱ្យប្រទេសទាំងអស់ចាត់វិធានការភ្លាមៗដើម្បីសម្រេចបានបទឈប់បាញ់នៅដែនដីហ្កាហ្សា៕