ប្រជាពលរដ្ឋនៅទូទាំងកោះតៃវ៉ាន់នៅថ្ងៃចន្ទនេះ បានត្រៀមខ្លួនសម្រាប់ការបោកបក់មកដល់ដីគោករបស់ព្យុះទីហ្វុង Kratho ស្របពេលដែលគេរំពឹងថា ព្យុះមួយនេះ នឹងវាយប្រហារតំបន់ភាគខាងត្បូងកោះតៃវ៉ាន់នៅព្រឹកថ្ងៃពុធ ។

បាវខ្សាច់ និងទ្វារទឹកជំនន់ ត្រូវបានដាក់នៅជុំវិញអគារផ្ទះល្វែងនៅទីក្រុង Kaohsiung ពេលដែលអ្នកស្រុក បានរៀបចំម៉ាស៊ីនបូមទឹក ដើម្បីការពារផ្ទះរបស់ពួកគេ ។

កោះតៃវ៉ាន់ បានធ្វើការព្រមានមុនការមកដល់របស់ព្យុះ Krathon ដែលគេរំពឹងថា វានឹងបង្កើនកម្លាំងរបស់វា ពេលបោកបក់ឆ្លងកាត់តំបន់ឆ្នេរភាគខាងលិចកោះតៃវ៉ាន់ ជាទីដែលមានមនុស្សរស់នៅច្រើនកុះក ដោយនាំមកជាមួយខ្យល់បក់ និងភ្លៀងធ្លាក់ខ្លាំង ។

ក្នុងនាមជាព្យុះកម្លាំងមធ្យម គេបានព្យាករណ៍ថា ព្យុះ Krathon នឹងវាយប្រហារទីក្រុងកំពង់ផែ Kaohsiung នៅព្រឹកថ្ងៃពុធ ៕