​​អា​ហ្វ​ហ្គា​នី​ស្ថាន៖ ការបញ្ជូន​ជំនួយ​មនុស្សធម៌​វគ្គ​ដំបូង​ពី​ប្រទេស​ចិន បាន​ទៅដល់​រដ្ឋធានី​កា​ប៊ុលរបស់​ប្រទេស​អា​ហ្វ​ហ្គា​នី​ស្ថាន​កាលពី​ថ្ងៃ​ពុធ​ ទី២៩ ខែកញ្ញា ហើយ​ត្រូវបាន​ប្រគល់ជូន​រដ្ឋមន្ត្រី​ស្តីទី​ទទួលបន្ទុក​ជនភៀសខ្លួន និង​មាតុភូមិនិវត្តន៍​លោក Khalil-ur Rahaman Haqqani​។

​ជំនួយ​សង្គ្រោះ​នេះ​នឹងត្រូវ​ចែកចាយ​ដល់​ប្រជាជន​ ដែល​ត្រូវការ​ចាំបាច់​នៅ​អា​ហ្វ​ហ្គា​នី​ស្ថានតាមរយៈ​ក្រសួង​ជនភៀសខ្លួន ​និង​មាតុភូមិនិវត្តន៍​។​ ជំនួយ​រួមមាន​ភួយ និង​អាវ​រងាដែល​នឹងត្រូវ​ចែកចាយ​ដល់​ជនភៀសខ្លួន​នៅក្នុង​ប្រទេស ខណៈ​រដូវរងា​ជិត​ចូលមក​ដល់​។​ ​កាលពីពេល​ថ្មីៗ​នេះ ប្រទេស​ចិន​បាន​សន្យា​ផ្តល់ជំនួយ​ឥត​លក្ខខណ្ឌ​ ដល់​ប្រជាជន​អា​ហ្វ​ហ្គា​នី​ស្ថានចំនួន ១,៥លាន​ដុល្លារ និង​វ៉ាក់សាំង​បង្ការ​វីរុស​កូ​រ៉ូ​ណា​ចំនួន​មួយ​លាន​ដូ​ស​។​ ​ក្នុងជំនួប​ជាមួយ​លោក Khalil-ur Rahman Haqqani ឯកអគ្គរដ្ឋទូត​ចិន​ប្រចាំ​រដ្ឋធានី​កា​ប៊ុល​លោក Wang Yu បាន​និយាយថា ​ប្រទេស​របស់លោក​នឹង​ផ្គត់ផ្គង់​ជំនួយ​មនុស្សធម៌ ​ដល់​ប្រជាជន​អា​ហ្វ​ហ្កា​នី​ស្ថានមុន​រដូវ​រងា​ចូលមក​ដល់​៕

អត្ថបទ៖ សុខមាន