ប្រមុខការទូតម្នាក់ នៅប្រទេសឥណ្ឌូនេស៊ី បានប្រាប់សារព័ត៌មាន AFP កាលពីថ្ងៃព្រហស្បតិ៍ (ទី៣ ខែតុលា) បានប្របា់ឲ្យដឹងហថា កិច្ចពិភាក្សាការទូតស្តីពីសង្គ្រាមស៊ីវិល នៅសហភាពមីយ៉ាន់ម៉ា នឹងធ្វើឡើងនៅក្នុងទីក្រុងហ្សាការតា មុនពេលកិច្ចប្រជុំកំពូល ក្នុងតំបន់ ដែលនឹងប្រព្រឹត្តទៅ នាសប្តាហ៍ក្រោយ។

អ្នកការទូតដែលបាននិយាយក្នុងលក្ខខណ្ឌមិនបញ្ចេញឈ្មោះ បានប្រាប់ថា កិច្ចចរចា នៅថ្ងៃទី៣ និង ទី៥ ខែតុលា នឹងមានតំណាងមកពី «ឥណ្ឌូនេស៊ី អាស៊ាន សហភាពអឺរ៉ុប និងអង្គការសហប្រជាជាតិ និងសមាជិកនៃក្រុមប្រឆាំងនឹងរបបយោធា។ អ្នកការទូតរូបនេះ បាននិយាយថា យោធាដែលកំពុងកាន់អំណាចរបស់មីយ៉ាន់ម៉ា មិនត្រូវបានគេរំពឹងថា នឹងចូលរួមនោះទេ។

ការពិភាក្សាស្តីពីជម្លោះបង្ហូរឈាមដែលកំពុងមាន នៅសហភាពមីយ៉ាន់ម៉ា ចាប់តាំងពីរដ្ឋប្រហារឆ្នាំ២០២១ គ្រោងនឹងធ្វើឡើង នៅមុនពេលអាស៊ាន ជួបប្រជុំគ្នា នៅប្រទេសឡាវ សម្រាប់កិច្ចប្រជុំកំពូលពីថ្ងៃទី៦ ដល់ថ្ងៃទី១១ ខែតុលា។ ជម្លោះ នៅមីយ៉ាន់ម៉ា ត្រូវបានកំណត់ជាប្រធានបទលេចធ្លោ ក្នុងរបៀបវារៈរបស់ប្លុកដែលមានសមាជិក ១០ប្រទេសនេះ។

នេះ ប៉ុន្តែមានការរីកចម្រើន តិចតួចណាស់។ សម្រាប់ក្រុមមេដឹកនាំយោធាមីយ៉ាន់ម៉ា ពួកគេត្រូវបានរារាំងមិនឲ្យចូលរួមកិច្ចប្រជុំអាស៊ានកម្រិតខ្ពស់។

ប្រធានបទនេះ បានធ្វើឲ្យប្លុកមានការខ្វែងគំនិតគ្នានៅក្នុងកិច្ចប្រជុំមុនៗ ដោយប្រទេសឥណ្ឌូនេស៊ី ម៉ាឡេស៊ី និងហ្វីលីពីន បានអំពាវនាវឲ្យមានសកម្មភាពតឹងរ៉ឹងជាងមុន ប្រឆាំងនឹងមេដឹកនាំរដ្ឋប្រហារ។ ចំណែកប្រទេសថៃ បានធ្វើការចរចាទ្វេភាគីរបស់ខ្លួនជាមួយបណ្ដាឧត្តមសេនីយ៍ ក៏ដូចជាជាមួយមេដឹកនាំលទ្ធិប្រជាធិបតេយ្យដែលកំពុងជាប់ឃុំឃាំង គឺលោកស្រី Aung San Suu Kyi៕