ការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) នឹងចាប់ផ្ដើមនៅថ្ងៃទី០៨ ខែតុលា ឆ្នាំ២០២៤ ពោលគឺបាំងតែ០២ ថ្ងៃទៀតតែប៉ុណ្ណោះ។ ជុំវិញការប្រឡងបាក់ឌុបឆ្នាំនេះ លោកស្រី ឃួន វិច្ឆិកា អ្នកនាំពាក្យក្រសួងអប់រំ យុវជន និងកីឡា បានអំពាវនាវឱ្យសិស្សានុសិស្សដែលជាបេក្ខជន ត្រូវត្រៀមខ្លួនឱ្យបានរៀបរយក្នុងការប្រឡង ត្រូវសម្រាកឱ្យបានគ្រប់គ្រាន់ និងទៅពិនិត្យបញ្ជីឈ្មោះ លេខតុ លេខបន្ទប់ នៅតាមមណ្ឌលប្រឡងរៀងៗខ្លួនឱ្យបានមុនថ្ងៃប្រឡងចូលមកដល់។