ក្រសួងការពារជាតិហូឡង់ បានបញ្ជាក់ជាផ្លូវការនូវការបញ្ជូនយន្តហោះចម្បាំង F-16 ក្រុមទី១ ទៅឲ្យអ៊ុយក្រែន។

ក្រសួងការពារជាតិ បាននិយាយនៅក្នុងសេចក្តីថ្លែងការណ៍មួយថា៖«អាជ្ញាប័ណ្ណនាំចេញសម្រាប់ការបញ្ជូននេះ ត្រូវបានចេញ នៅថ្ងៃទី ០១ ខែកក្កដា»។

ក្រសួង បានបន្តថា៖«បន្ទាប់មក យន្តហោះ F-16 ដែលបានសន្យាជាលើកដំបូង ត្រូវបានប្រគល់ឲ្យអ៊ុយក្រែន។ ប្រទេសហូឡង់ កំពុងរួមចំណែកយ៉ាងសំខាន់ ក្នុងការគាំទ្រ និងថែទាំយន្តហោះទាំងនេះ»។

ពុំមានតម្រុយថាតើយន្តហោះចម្បាំងប៉ុន្មានគ្រឿង ត្រូវបានផ្តល់ជូនរួចហើយនោះទេ។ សរុបមក ប្រទេស ហូឡង់ បានសន្យាជាមួយទីក្រុងគីវថា ខ្លួននឹងបញ្ជូនយន្តហោះចំនួន ២៤គ្រឿង។ ក្នុងនាមជាប្រមុខ ក្រសួងការពារជាតិអ៊ុយក្រែន លោក Rustem Umerov បាននិយាយនៅចំណុចជាក់លាក់មួយថា ភាគីទាំងពីរ បានព្រមព្រៀងគ្នាក្នុងការបង្កើតកិច្ចសហប្រតិបត្តិការក្នុងក្របខ័ណ្ឌនៃសម្ព័ន្ធអាកាសចរណ៍លើការផ្គត់ផ្គង់អ៊ុយក្រែនជាមួយនឹងយន្តហោះ F-16 និងលើការបណ្តុះបណ្តាលអាកាសយានិកយោធា។ ជាពិសេស ពួកគេ បាននិយាយអំពី«ការផ្គត់ផ្គង់អាវុធ និងគ្រឿងបន្លាស់សម្រាប់យន្តហោះ ក៏ដូចជាការបណ្តុះបណ្តាលអាកាសយានិក។

សេចក្តីថ្លែងការណ៍របស់ក្រសួងការពារជាតិហូឡង់ ក៏និយាយផងដែរថា ប្រទេសហូឡង់ បានត្រៀមថវិកាចំនួន ៤០០លានអឺរ៉ូសម្រាប់ផែនការសកម្មភាពយានដ្រូនសម្រាប់អ៊ុយក្រែន។ ប្រទេសទាំងពីរ នឹងធ្វើការរួមគ្នាលើយានដ្រូនទំនើបៗ និងពន្លឿនការផលិតគំរូដែលទទួលបានជោគជ័យ។ ស្ទើរតែពាក់កណ្តាលនៃមូលនិធិ នឹងនៅតែមាននៅក្នុងប្រទេសហូឡង់។

រដ្ឋមន្ត្រីការពារជាតិហូឡង់ លោក Ruben Brekelmans បាននិយាយថា៖«យើងមានរបៀបវារៈគ្រប់ប្រភេទនៃយានដ្រូនទំនើប ដែលអាចប្រើសម្រាប់ការឈ្លបយកការណ៍ ការពារ និងវាយប្រហារ ជាពិសេសមានទាំងនៅលើអាកាស លើដី និងនៅលើសមុទ្រផងដែរ។«ប្រសិនយានដ្រូនដែលត្រូវបានអភិវឌ្ឍន៍ទាំងនេះ ទទួលបានជោគជ័យ មូលនិធិកាន់តែច្រើន នឹងត្រូវបានបែងចែកសម្រាប់ផលិតកម្មដ៏ធំរបស់ពួកគេ។