នៅខេត្តកណ្តាល ក្នុងឆ្នាំសិក្សា២០២៣-២០២៤នេះ មាន បេក្ខជនមានឈ្មោះក្នុងបញ្ជីប្រឡង សញ្ញា​បត្រមធ្យមសិក្សាទុតិយភូមិ សរុបចំនួន ១១ ១១៥នាក់ ក្នុងនោះមាន៖ បេក្ខជនរៀន​បំពេញ​វិជ្ជា ដែលមានជាព្រះសង្ឈបួសរៀនផង បានចុះឈ្មោះប្រឡងជាមួយបេក្ខជននានាទៀត ចំនួន​២៦២អង្គនាក់។

ព្រះសង្ឈ និងបេក្ខជនប្រឡងបំពេញ​វិជ្ជានានា ដែលប្រឡងនៅមណ្ឌលវិទ្យាល័យ ហ៊ុន សែន សេរី​ភាព​ក្រុង​តាខ្មៅខេត្តកណ្តាល បានឲ្យBTV ដឹងនៅថ្ងៃទី៨ ខែតុលានេះថា នេះជាលើកទី១ ដែ​ល​បេក្ខ​ជន​រៀន​បំពេញវិជ្ជា បានចូលរួមប្រឡងសញ្ញាបត្រមធ្យមសិក្សាទុតិយភូមិ ដើម្បីយកសញ្ញា​បត្រ​យក​ទៅ​បញ្ជាក់រៀនបន្តនៅថ្នាក់សិក្សាឧត្តមសិក្សា។

បេក្ខជន បានបង្ហាញក្តីសង្ឈឹមខ្ពស់ថានឹងប្រឡងជាប់បាននីទ្ទេសល្អ ក្រោយពីបេក្ខជន បាន​បួស​រៀន និងរៀន នៅក្រៅសាលារដ្ឋក្នុងរយៈពេលមួយឆ្នាំកន្លងមកនេះ។

សូម​បញ្ជាក់ថា សម្រាប់ការប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា ២០២៣ ឆ្នាំ​២០២៤នេះ នៅខេត្តកណ្តាល មានបេក្ខជនប្រឡងសរុបចំនួន សរុបចំនួន ១១ ១១៥នាក់ ស្រី ៦ ២៨៥នាក់ ក្នុងនោះមានបេក្ខជនចំណេះទូទៅថ្នាក់វិទ្យាសាស្រ្ត ចំនួន៣ ១០៨នាក់ -ថ្នាក់វិទ្យាសាស្រ្តសង្គម ៦ ៦២១នាក់ និងបានរៀបចំមណ្ឌលប្រឡងចំនួន ១៨មណ្ឌល ស្មើនឹង ៤៥១បន្ទប់ កើន ចំនួន ០១មណ្ឌល និងមានបេក្ខជនប្រឡងកើន ២៤២នាក់៕ អត្ថបទ ស៊ុម សុខជា