កងទ័ពអ៊ីស្រាអែល និយាយថា នៅថ្ងៃអង្គារនេះ ប្រព័ន្ធការពារដែនអាកាសអ៊ីស្រាអែល បានបាញ់ស្កាត់រ៉ុក្កែតហោះលើឆកសមុទ្រ Haifa ពេលដែលកាំជ្រួចផ្លោង ១០៥គ្រាប់ ត្រូវបានបាញ់លើទីក្រុងកំពង់ផែមួយនេះ និងតំបន់ Galilee ក្នុងចន្លោះពេល ១ម៉ោង ។

 កងទ័ពអ៊ីស្រាអែល និយាយថា រ៉ុក្កែត ៨៥គ្រាប់ បានហោះឆ្លងកាត់ព្រំដែនលីបង់ចន្លោះម៉ោង ១២ ១១នាទី និងម៉ោង ១២ ១៥នាទីម៉ោងក្នុងស្រុក ក្នុងនោះរ៉ុក្កែត ២០គ្រាប់ផ្សេងទៀត បានហោះចន្លោះម៉ោង ១២ ៤៣នាទី និងម៉ោង ១២ ៤៦នាទី ម៉ោងក្នុងស្រុក ។

 សារព័ត៌មានក្នុងស្រុក រាយការណ៍ថា វាគឺជាការវាយប្រហារដោយរ៉ុក្កែតទ្រង់ទ្រាយធំបំផុត ចាប់តាំងអ៊ីស្រាអែល និងក្រុមហេសប៊ូឡា ផ្ទុះអាវុធឆ្លងកាត់ព្រំដែន ។

 ភាពតានតឹងក្នុងតំបន់បង្កឡើងដោយសារការវាយប្រហាររបស់ក្រុមហាម៉ាស់លើតំបន់ភាគខាងត្បូងអ៊ីស្រាអែលកាលពីរយៈពេល ១ឆ្នាំមុន នាំឲ្យមានប្រតិបត្តិការសឹកតាមជើងគោក និងជើងអាកាសរបស់អ៊ីស្រាអែលលើលីបង់ និងការវាយប្រហារដោយផ្ទាល់របស់អ៊ីរ៉ង់លើទីតាំងយោធារបស់អ៊ីស្រាអែល ៕