នៅក្នុងសេចក្តីថ្លែងការណ៍មួយ សេតវិមានបាននិយាយថា ប្រធានាធិបតីសហរដ្ឋអាមេរិក លោក ចូ បៃដិន (Joe Biden) បានប្រកាសកញ្ចប់ជំនួយយោធាថ្មីសម្រាប់អ៊ុយក្រែន ដែលមានតម្លៃ ៤៣៥លានដុល្លារ kjក្នុងនោះមានឧបករណ៍ការពារដែនអាកាសផងដែរ។

សេចក្តីថ្លែងការណ៍ដែលបានធ្វើឡើងបន្ទាប់ពីកិច្ចពិភាក្សាតាមទូរស័ព្ទរវាងលោក បៃដិន និងប្រធានាធិបតីអ៊ុយក្រែនលោក វ្ល៉ូឌីមី ហ្សេឡិនស្គី( Vladimir Zelensky) បានឲ្យដឹងថា៖«ថ្ងៃនេះ លោកប្រធានាធិបតី បានប្រកាសកញ្ចប់ជំនួយសន្តិសុខចំនួន ៤២៥ លានដុល្លារសម្រាប់អ៊ុយក្រែន ដែលរួមបញ្ចូលទាំងសមត្ថភាពការពារដែនអាកាសបន្ថែម គ្រាប់បែកវាយប្រហារពីលើអាកាសទៅដី រថពាសដែក និងគ្រាប់រំសេវសំ ខាន់ៗ ដើម្បីបំពេញតម្រូវការបន្ទាន់របស់អ៊ុយក្រែន»។

សេចក្តីថ្លែងការណ៍របស់សេតវិមាន បានបញ្ជាក់ថា៖«សហរដ្ឋអាមេរិក នឹងផ្តល់ឲ្យអ៊ុយក្រែននូវសមត្ថភាពបន្ថែមជាច្រើន រួមទាំងប្រព័ន្ធការពារដែនអាកាសរាប់រយគ្រឿង ប្រព័ន្ធការពារដែនអាកាសតាក់ទិចរាប់សិបគ្រឿង ប្រព័ន្ធកាំភ្លើងធំបន្ថែម គ្រាប់រំសេវសំខាន់ៗមួយចំនួនធំ រថពាសដែករាប់រយគ្រឿង និងរថយន្តប្រយុទ្ធថ្មើរជើង និងរថពាសដែករាប់ពាន់គ្រឿងបន្ថែមទៀត»។