ភ្នំពេញ៖ រដ្ឋាភិបាលបានពិនិត្យឃើញថា សព្វថ្ងៃដោយសារទំនើបកម្មបណ្ដាលឱ្យមានការបាត់បង់ ការវាយបំផ្លិ ចបំផ្លាញ ការធ្វើឱ្យខូចខាតតាមគ្រប់រូបភាពជាបន្តបន្ទាប់ចំពោះសំណង់អគារបេតិកភណ្ឌ នៅតាមប ណ្ដារាជធានី ខេត្ត ដែលជាសម្បត្តិជាតិដ៏មានតម្លៃ ដែលទាមទារឱ្យមានការអភិរក្ស និងការអភិវឌ្ឍ គឺ ត្រូវតែមានតុល្យភាព។ នេះបើតាមសារាចររបស់រាជរដ្ឋាភិបាលកម្ពុជា ស្ដីពីការទប់ស្កាត់ការវាយកម្ទេច និងបំផ្លិចបំផ្លាញសំណង់អគារបេតិកភណ្ឌ ចេញនៅថ្ងៃទី១២ ខែតុលា ឆ្នាំ២០២១។

ប្រភពដដែលបញ្ជាក់បន្ថែមថា ដើម្បីឱ្យការងារអភិរក្សតំបន់បេតិភណ្ឌ ស្របតាមច្បាប់ស្ដីពីកិច្ចការពារ បេតិកភណ្ឌ រាជរដ្ឋាភិបាលសូមណែនាំដោយ ហាមឃាត់ចំពោះការកែប្រែ ការប្ដូររូបរាងខាងក្រៅ ឬ ធ្វើឱ្យខូចខាតសោភ័ណភាពចំពោះសំណង់នៃតំបន់បេតិកភណ្ឌ។ ទប់ស្កាត់ការវាយកម្ទេច និងបំផ្លិច បំផ្លាញសំណង់វប្បធម៌ ប្រវត្តិសាស្ត្រ សំណង់បុរាណ និងសំណង់អគារបេតិកភណ្ឌ ដើម្បីការពារឱ្យ បានគង់វង្ស។ បញ្ឈប់ជាបន្ទាន់ចំពោះការបំផ្លាញអគារបេតិកភណ្ឌ។ ចំពោះសំណង់អគារបេតិកភណ្ឌ ដែលនឹងត្រូវជួសជុល កែប្រែរូបរាង ឬវាយកម្ទេច ត្រូវស្នើសុំការពិនិត្យ និងសម្រេចពីក្រសួងវប្បធម៌ និងវិចិត្រសិល្បៈ ព្រមទាំងអាជ្ញាធរពាក់ព័ន្ធជាមុនសិន៕ដោយ៖ គង់ ឌិន