តំណាងអចិន្ត្រៃយ៍រុស្ស៊ីប្រចាំនៅអង្គការសហប្រជាជាតិ លោក Vasily Nebenzya បាននិយាយថា ប្រទេសរុស្ស៊ី ចង់ដឹងព័ត៌មានលម្អិតអំពីផែនការស្តារប្រទេសស៊ីរីឡើងវិញក្នុងដំណាក់កាលដំបូង ដែលកំពុងត្រូវបានបង្កើតឡើងដោយUN។

លោកបាននិយាយនៅក្នុងកិច្ចប្រជុំក្រុមប្រឹក្សាសន្តិសុខUNអំពីប្រទេសស៊ីរីថា៖« យើងដឹងថា រចនាសម្ព័ន្ធរបស់UN កំពុងធ្វើការលើផែនការសង្គ្រោះដំបូងសម្រាប់ប្រទេសស៊ីរី។ យើងចង់ដឹងព័ត៌មានលម្អិតនៃផែនការនេះ។ ខ្ញុំគិតថា ទីក្រុងដាម៉ាស( Damascus) ក៏ចង់ដឹងដែរ»។ 

តាមអ្នកការទូតរុស្ស៊ីរូបនេះ ទីក្រុងមូស្គូទទូចថា៖«ធាតុមួយនៃផែនការនេះ គឺការបដិសេធនូវលក្ខខណ្ឌនយោបាយណាមួយសម្រាប់ការចាប់ផ្តើមគម្រោងអភិវឌ្ឍន៍ នៅក្នុងប្រទេសនេះ»។

លោក Nebenzya បន្ថែមថា៖«យ៉ាងណាក៏ដោយ មិនថាថ្នាក់ដឹកនាំអង្គការសហប្រជាជាតិមានភាពក្លាហានគ្រប់គ្រាន់ក្នុងការធ្វើអ្វីដែលត្រូវតែគោរពចំពោះស៊ីរី និងបដិសេធនយោបាយនៃកិច្ចខិតខំប្រឹងប្រែងមនុស្សធម៌ ក្នុងការជួយដល់ប្រជាជនរបស់ខ្លួន ឬយ៉ាងណានោះទេ យើងមានជំនឿថា រចនាសម្ព័ន្ធមនុស្សធម៌គ្រាន់តែត្រូវតែបង្ហាញពីសាមគ្គីភាព និងជួយអាជ្ញាធរស៊ីរីទទួលយកជនភៀសខ្លួន និងផ្តល់ឲ្យពួកគេនូវអាហារ សេវាវេជ្ជសាស្រ្ត និងលំនៅឋាន»។