មនុស្ស ១៣នាក់ រួមទាំងភ្ញៀវទេសចរជប៉ុន ១១នាក់ បានរងរបួស ពេលដែលរថយន្តក្រុងទេសចរណ៍មួយគ្រឿងជ្រុលចង្កូតទៅបុកពីក្រោយរថយន្តសណ្តោងនៅលើផ្លូវហាយវ៉េ ស្ថិតនៅជិតទីក្រុង Taiping ភាគពាយ័ព្យប្រទេសម៉ាឡេស៊ី កាលពីថ្ងៃព្រហស្បតិ៍ម្សិលមិញ ។

នាយកដ្ឋានជួយសង្រ្គោះ និងពន្លត់អគ្គិភ័យរដ្ឋ Perak រាយការណ៍ថា មនុស្ស ២នាក់ទៀត ដែលរងរបួសដែរនោះ គឺជាអ្នកបើកបររថយន្តក្រុង និងអ្នកមគ្គុទេសទេសចរណ៍ ។ ភ្ញៀវទេសចរជប៉ុនដែលរងរបួស រួមមានស្រ្តី ៨នាក់ និងបុរស ៣នាក់ ។

ក្រុមមន្រ្តីនិយាយថា មនុស្សទាំង ១៣នាក់ ត្រូវបានជួយសង្រ្គោះ ហើយត្រូវបាននាំទៅព្យាបាលនៅក្នុងមន្ទីរពេទ្យ ៕