ដោយនិយាយតាមស្ថានីយវិទ្យុ Kossuth នាយករដ្ឋមន្ត្រីហុងគ្រី លោក Viktor Orban បាននិយាយថា ប្រទេសលោកខាងលិច កំពុងចាញ់សង្រ្គាមនៅអ៊ុយក្រែន ប៉ុន្តែនៅតែមិនមានឆន្ទៈក្នុងការបញ្ចប់វាទេ ឬទទួលស្គាល់ការបរាជ័យរបស់ពួកគេដែរ។

លោកនាយករដ្ឋមន្ត្រី បាននិយាយថា៖«ពួកគេរកឃើញថា ខ្លួនពួកគេ កំពុងស្ថិតក្នុងស្ថានភាពលំបាកមួយ ដោយប្រយុទ្ធនឹងសង្រ្គាមដែលបានចាញ់រួចហើយនោះ» ដោយបញ្ជាក់ជាថ្មីថា ហុងគ្រី មិនមានបំណងត្រូវបានអូសចូលទៅក្នុងសកម្មភាពទាំងនេះ បើទោះបីជាមានសម្ពាធលើវាក៏ដោយ។ លោក Orban បាននិយាយថា៖«ស្ថានភាព គឺថាបណ្តាប្រទេសលោកខាងលិ ចមិនចង់បញ្ឈប់សង្គ្រាមរុស្ស៊ី-អ៊ុយក្រែនទេ ដូច្នេះហើយវាគឺជាសំណួរត្រឹមត្រូវថាតើ [ហុងគ្រី] មានឱកាសសម្រាប់ធ្វើសមយុទ្ធឬអត់?»។

លោកបានបញ្ជាក់ថា គោលជំហរជាគោលការណ៍របស់ប្រទេសហុងគ្រី បានអនុញ្ញាតឲ្យខ្លួនរក្សា «ឱកាស សម្រាប់ការធ្វើសមយុទ្ធ» ក្នុងវិស័យសេដ្ឋកិច្ច ដែលរងផលប៉ះពាល់យ៉ាងខ្លាំងដោយជម្លោះនៅអ៊ុយក្រែន។ លោកបានបន្ថែមថា៖«ការស្តារឡើងវិញនូវសង្រ្គាមត្រជាក់ គឺជាគំនិតអាក្រក់ ប៉ុន្តែមនុស្សជាច្រើន កំពុងឆ្លើយតបទៅនឹងសង្រ្គាមរុស្ស៊ី-អ៊ុយក្រែនតាមរបៀបនេះហើយបានប្រកាសវាយ៉ាងមានប្រសិទ្ធភាព ក្នុងវិស័យសេដ្ឋកិច្ច»។

លោក នាយករដ្ឋមន្រ្តី បាននិយាយថា៖«យើងបានប្រឹងប្រែងដើម្បីគេចចេញពីសង្រ្គាម ហើយខ្ញុំគិតថាយើងអាចចៀងវាងគោលនយោបាយសេដ្ឋកិច្ចមិនល្អ ដោយផ្អែកលើហេតុផលយោធាដែលមានកំហុសទេ» ។ លោក បានរំលឹកថា ហុងគ្រី បន្តទិញប្រេង និងឧស្ម័នពីរុស្ស៊ី ខណៈដែលខ្លួនបានធានាការលើក   លែងពីទណ្ឌកម្មរបស់សហភាពអឺរ៉ុបមួយចំនួន។