រដ្ឋមន្រ្តីក្រសួងខាភិបាលលីបង់លោក Firass Abiad និយាយប្រាប់សន្និសីទសារព័ត៌មាននាថ្ងៃសុក្រនេះថា មន្ទីរពេទ្យ ៥៥កន្លែង បានក្លាយជាគោលដៅវាយប្រហាររបស់អ៊ីស្រាអែលមកទល់នឹងពេលនេះ ។

លោកថា មន្ទីរពេទ្យ ៣៦កន្លែងក្នុងចំណោមមន្ទីរពេទ្យទាំងអស់នោះ បានក្លាយជាគោលដៅវាយប្រហារដោយផ្ទាល់ដែលនាំឲ្យមន្ទីរពេទ្យ ៨កន្លែងផ្សេងទៀត បិទទ្វារ ។

លោក Abiad និយាយថា ឥឡូវនេះមានគ្រូពេទ្យ ៨នាក់ បានស្លាប់ ហើយយោធាអ៊ីស្រាអែលបដិសេធន៍មិនព្រមអនុញ្ញាតឲ្យចូលយកសាកសព ពីលើរថយន្តរបស់ពួកគេនោះទេ ។

លោកបន្តថា ចំនួនសរុបនៃមនុស្សស្លាប់នៅក្នុងវិស័យសុខាភិបាល និងក្នុងមន្ទីរពេទ្យ មកទល់នឹងពេលនេះ កើនឡើងដល់ ១៦៣នាក់ ក្នុងនោះមនុស្ស ២៧២នាក់ផ្សេងទៀត រងរបួស ។

អ៊ីស្រាអែល បានបើកការវាយប្រហារទ្រង់ទ្រាយធំរបស់ពួកគេលើប្រទេសលីបង់កាលពីរយៈពេល ១ខែមុន ដោយពួកគេនិយាយថាមានគោលដៅលើក្រុមប្រដាប់អាវុធធន់ធ្ងន់ហេសបូឡា គាំទ្រដោយអ៊ីរ៉ង់ ដើម្បីធានាដល់ការវិលត្រឡប់មកផ្ទះវិញរបស់ពលរដ្ឋអ៊ីស្រាអែលរាប់ម៉ឺននាក់ ដែលនាំគ្នារត់ភៀសខ្លួនចេញពីតំបន់ព្រំដែនភាគខាងជើង ដោយសារការវាយប្រហាររ៉ុក្កែតឆ្លងព្រំដែន ។

ក្រុមអាជ្ញាធរទីក្រុងបេរូត និយាយថា ការវាយប្រហាររបស់អ៊ីស្រាអែលលើលីបង់ បានសម្លាប់មនុស្សជាង ២.៥០០នាក់ និងមនុស្សជាង ១,២លាននាក់ផ្សេងទៀត ជម្លៀសខ្លួន ជាហេតុបង្កឲ្យកើតមានវិបត្តិមនុស្សធម៌ ៕