ភ្នំពេញ៖ ក្រោមកិច្ចសហការពីក្រុមហ៊ុន Orkide Development រួមជាមួយដៃគូសហការផ្សេងៗទៀត ដូចជាក្រុមរត់ KKRC, ក្រុមហ៊ុន Forte និងក្លិបបាល់ទាត់ព្រះខ័នរាជស្វាយរៀង រៀបចំកម្មវិធីរត់ក្នុងសហគមន៍នៅ Orkide The Botanic ដែលស្ថិតនៅតាមបណ្តោយផ្លូវជាតិលេខ6A សង្កាត់ព្រែកតាសេក ខ័ណ្ឌជ្រោយចង្វារ រាជធានីភ្នំពេញ នាព្រឹកថ្ងៃទី២៧ ខែតុលា ឆ្នាំ២០២៤ មានអ្នកចូលរួមរត់យ៉ាងច្រើនកុះករ ប្រមាណជាង ៦០០នាក់។

នេះគឺជាលើកទី១ សម្រាប់ការរៀបចំកម្មវិធីរត់ក្នុងសហគមន៍ ដែលក្រុមហ៊ុន Orkide Development ផ្ដួចផ្ដើមឡើងដែរមិនត្រឹមតែជាកម្មវិធីរត់តែមួយមុខប៉ុណ្ណោះទេ។ គោលបំណងសំខាន់នៃកម្មវិធីនេះ គឺដើម្បីរឹតចំណងទំនាក់ទំនង រវាង អតិថិជនរស់នៅក្នុងបុរី ក្រៅបុរី ក្រុមអ្នករត់ ព្រមទាំងសាធារណជន ដើម្បីលើកកំពស់ទាំងសុខភាព និងសុខុមាលភាពក្នុងការរស់នៅផងដែរ ដែលនេះពិតជាស្របទៅតាមចក្ខុវិស័យរបស់ក្រុមហ៊ុន Orkide Development ក្នុងការយកចិត្តទុកដាក់ទៅការរស់របស់អតិថិជនយ៉ាងពិតប្រាកដ៕