យោងតាមក្រុមហ៊ុន Microsoft បានឲ្យដឹងថា ក្រុមចោរព័ត៌មានវិទ្យារុស្សី កំពុងដាក់គោលដៅលើមន្ត្រីរដ្ឋាភិបាល បុគ្គលិកការពារជាតិ និងអ្នកផ្សេងទៀត នៅសហរដ្ឋអាមេរិក ដោយធ្វើយុទ្ធនាការបន្លំអ៊ីម៉ែល (សារអេឡិចត្រូនិក) ថ្មី ដែលផ្តោតលើមនុស្សរាប់ពាន់នាក់។

បើយោងតាមការបង្ហោះនៅក្នុងប្លុកពីប្រព័ន្ធ Threat Intelligence (ប្រព័ន្ធសុវត្ថិភាពតាមអ៊ីធឺណិត) របស់ក្រុមហ៊ុន Microsoft ដែលចេញផ្សាយកាលពីថ្ងៃអង្គារ (ទី២៩ ខែតុលា) បានឲ្យដឹងថា ក្រុមចោរទាំងនេះបានផ្ញើ «អ៊ីម៉ែលបន្លំវាយប្រហារជាបន្តបន្ទាប់យ៉ាងច្រើន» ទៅកាន់មនុស្សរាប់ពាន់នាក់ នៅក្នុងស្ថាប័នជាង ១០០កន្លែង គិតចាប់តាំងពីថ្ងៃទី២២ ខែតុលា។

យុទ្ធនាការចុងក្រោយបង្អស់នេះ នឹងបន្ថែមការព្រួយបារម្ភកាន់តែខ្លាំងឡើងៗ ជុំវិញភាពបរាជ័យរបស់សហរដ្ឋអាមេរិក ក្នុងការលុបបំបាត់ក្រុមចោរព័ត៌មានវិទ្យាដែលត្រូវបានសង្ស័យថា ជារុស្ស៊ី និងចិន។

ការិយាល័យស៊ើបអង្កេតសហព័ន្ធ (FBI) បានឲ្យដឹងកាលពីថ្ងៃទី២៥ ខែតុលាថា ខ្លួនកំពុងស៊ើបអង្កេតការចូលដោយខុសច្បាប់ពីក្រុមចោរព័ត៌មានវិទ្យាជាប់ទំនាក់ទំនងជាមួយរដ្ឋចិន ដែលផ្តោតលើវិស័យទូរគមនាគមន៍ពាណិជ្ជកម្ម។

ហើយបើយោងតាមការបង្ហោះរបស់ប្លុកនោះ បានឲ្យដឹងទៀតថា នៅក្នុងអ៊ីម៉ែលមួយចំនួនដែលជាផ្នែកមួយនៃយុទ្ធនាការចុងក្រោយបង្អស់នេះ អ្នកផ្ញើបានក្លែងបន្លំជាបុគ្គលិករបស់ Microsof៕