រដ្ឋមន្ត្រីការបរទេសរុស្ស៊ី លោក សឺហ្គេ ឡាវរ៉ូវ (Sergey Lavrov) បាននិយាយថា សមាជិកណាតូមានបំណងធ្វើការវាយប្រហារការពារដែលនៅឆ្ងាយពីទឹកដីរបស់ពួកគេ នៅក្នុងតំបន់អាស៊ីប៉ាស៊ីហ្វិក។

លោករដ្ឋមន្ត្រី បាននិយាយថា ៖«កាលពីខែកក្កដា នៅក្នុងកិច្ចប្រជុំកំពូលនៅទីក្រុងវ៉ាស៊ីនតោន មេដឹកនាំអង្គការណាតូ បានអះអាងសាជាថ្មីចំពោះតួនាទីនាំមុខរបស់សម្ព័ន្ធមិត្ត មិនត្រឹមតែនៅក្នុងតំបន់អឺរ៉ុប-    អាត្លង់ទិកប៉ុណ្ណោះទេ ប៉ុន្តែថែមទាំងនៅក្នុងតំបន់អាស៊ីប៉ាស៊ីហ្វិកផងដែរ។ ប្រសិនបើអ្នកអានសេចក្តីប្រកាសរបស់អង្គការណាតូ វាមានថា នេះ គឺសម្ព័ន្ធភាពការពារ ដើម្បីការពារទឹកដីនៃសមាជិករបស់ខ្លួន មានបំណងប្រយុទ្ធការពារទាំងនេះ នៅក្នុងសមុទ្រចិនខាងត្បូង និងនៅច្រកសមុទ្រតៃវ៉ាន់ ដែលមានចម្ងាយមួយពាន់ម៉ាយពីច្រាំងសមុទ្ររបស់ខ្លួន។

យោងតាមលោក ឡាវរ៉ូវ បានឲ្យដឹងថា ក្រុមអ្នកសង្កេតការណ៍ដែលមានសមហេតុផលត្រឹមត្រូវ យល់ថា៖ «នេះ មិនមែនជាផែនការនាំមកនូវភាពជោគជ័យទេ»។ លោកបានបន្ថែមថា៖«ទោះជាយ៉ាងណាក៏ដោយជនជាតិអាមេរិកមានចេតនាដាក់ហេដ្ឋារចនាសម្ព័ន្ធយោធារបស់អង្គការណាតូ ចូលទៅក្នុងមហា   សមុទ្រប៉ាស៊ីហ្វិក ដោយមិនលាក់បាំងនូវគោលដៅនៃការបង្កើនសម្ពាធលើប្រទេសចិន កូរ៉េខាងជើង និង  រុស្ស៊ីឡើយ»។