បេក្ខជនប្រធានាធិបតីបក្សសាធារណរដ្ឋ លោក Donald Trump ហាក់កំពុងមានសន្ទុះនាំមុខក្នុងផែនទីបោះឆ្នោតក្នុងបណ្ដារដ្ឋនានាទូទាំងសហរដ្ឋអាមេរិក នៅថ្ងៃអង្គារ ០៥ វិច្ឆិកា ខណៈលោកស្រី Kamala Harris កំពុងតាមពីក្រោយក្នុងរដ្ឋមួយចំនួន ដែលនេះធ្វើឱ្យទីផ្សារអាមេរិក បញ្ចេញប្រតិកម្មងាកទៅខាងលោក Trump។

លោក JAMIE COX ដៃគូគ្រប់គ្រងក្នុងក្រុមហិរញ្ញវត្ថុរបស់លោកស្រី Harris លើកឡើងថា "ការចង្អុលបង្ហាញដំបូងគឺគណបក្សសាធារណរដ្ឋកំពុងដំណើរការបានល្អជាងនៅក្នុងតំបន់ដែលពួកគេមិនធ្លាប់មានប្រៀប។ នៅពេលនេះ ក្រុមលោកស្រី Harris កំពុងតែព្រួយបារម្ភ"។

លោក ALEX MORRIS ប្រធានស្ថាប័នវិនិយោគ F/M នៅរដ្ឋធានីវ៉ាស៊ីនតោន និយាយថា “ទីផ្សារបានត្រៀមខ្លួនល្អសម្រាប់ភាពមិនប្រាកដប្រជានេះ។ ភាគហ៊ុនកំពុងនៅនឹងថ្កល់នៅពេលនេះ ប៉ុន្តែអ្នកគ្រប់គ្នាកំពុងព្យាយាមយកទិន្នន័យដំបូងដែលយើងមាននៅពេលនេះ ហើយប្រែក្លាយវាទៅជារូបភាពធំ ដែលហាក់មានទំនោរទៅខាងបក្សសាធារណរដ្ឋ"។

លោក BRIAN JACOBSEN, ប្រធានសេដ្ឋវិទូនៅរដ្ឋ WISCONSIN លើកឡើងថា “នៅពេលដែលលទ្ធផលដំបូងបង្ហាញខ្លួន យើងមើលឃើញទិន្នផលរតនាគារកើនឡើងបន្តិច ហើយប្រាក់ដុល្លារឡើងថ្លៃ។ ទិន្នផលរតនាគារនេះដោយសារតែទីផ្សារមានជំនឿថាលោក Trump អាចនឹងកាន់តែអាក្រក់សម្រាប់ឱនភាព ហើយកំណើនប្រាក់ដុល្លារដោយសារតែការរំពឹងទុកនៃពន្ធថ្មីរបស់លោក Trump"៕