ជ័យជំនះរបស់លោក Donald Trump នៅការបោះឆ្នោតប្រធានាធិបតីសហរដ្ឋអាមេរិកឆ្នាំ ២០២៤ នាំឲ្យមានប្រតិបត្តិការបែបការពារពីពលរដ្ឋហ្កាហ្សាម្នាក់នាថ្ងៃពុធនេះ ។

លោក Walid Abdul Wahab គឺជានិស្សិតវ័យ ១៩ឆ្នាំ មានដើមកំណើតពីទីក្រុង Rafah បានបង្ហាញទស្សនៈរបស់លោកចំពោះការឈ្នះឆ្នោតរបស់លោក Trump ថា វានឹងវិជ្ជមានតែមួយគត់ បើសិនជាលោក Trump ចង់ឲ្យជនប៉ាឡេស្ទីនមានសិទ្ធិសេរីភាពដូចគ្នានឹងមនុស្សដទៃទៀតនៅលើពិភពលោក ដែរ ។

លោក Abdul Wahab និយាយថា លោក Trumpនឹងមិនធ្វើឲ្យមានការផ្លាស់ប្តូរច្រើននោះទេសម្រាប់ជនប៉ាឡេស្ទីន លើកលែងតែរូបលោកចង់បានសន្តិភាព ចង់បានសិទ្ធិសន្តិភាព សិទ្ធិអប់រំ សិទ្ធិសុខភាពដែលមនុស្សទាំងអស់នៅជុំវិញពីភពលោក កំពុងមាន ។

លោកបន្តថា អាមេរិកបិទបាំងទង្វើអាក្រក់ទាំងអស់របស់អ៊ីស្រាអែល ការទម្លាក់គ្រាប់បែក ការសម្លាប់ ឃាតកម្មលើសង្គមរបស់ពួកយើង លើមនុស្សរបស់ពួកយើងដែលពួកយើងស្រលាញ់ជាទីបំផុត ។ ពួកគេបានធ្វើឃាតពួកយើងគ្រប់ទីកន្លែង ។ រាល់ឆ្នាំ អាមេរិកបិទបាំងទង្វើអាក្រក់គ្រប់បែបយ៉ាងរបស់អ៊ីស្រាអែល ។

លោក Trumpប្រឈមនឹងបញ្ហាដ៏ស្រួចស្រាវនៅតំបន់មជ្ឈិមបូព៌ា ដែលគំរាមកំហែងធ្លាក់ទៅក្នុងជម្លោះធំជាងនេះ ។ 

អ៊ីស្រាអែល កំពុងធ្វើសង្រ្គាមនៅតំបន់ហ្កាហ្សា និងប្រទេសលីបង់ ខណៈប្រឈមជាមួយសត្រូវអ៊ីរ៉ង់ ហើយសូម្បីតែក្រុមឧទ្ទាមហ៊ូធី ក៏បានវាយប្រហារលើការដឹកជញ្ជូនពាណិជ្ជកម្មនៅក្នុងសមុទ្រក្រហមផងដែរ ៕