​

នាយករដ្ឋមន្ត្រីអូស្ត្រាលី លោក Anthony Albanese បាននិយាយនៅថ្ងៃព្រហស្បតិ៍នេះថា រដ្ឋាភិបាលរបស់លោក នឹងដាក់បម្រាមលើបណ្តាញផ្សព្វផ្សាយសង្គមសម្រាប់កុមារអាយុក្រោម១៦ឆ្នាំ។ ប្រទេសនេះ កំពុងសាកល្បងប្រព័ន្ធត្រួតពិនិត្យអាយុ ដើម្បីរារាំងកុមារពីបណ្តាញផ្សព្វផ្សាយសង្គមដោយបម្រាមនេះ អាចធ្វើទៅបាន នៅឆ្នាំក្រោយ។ 

លោក Albanese បានបញ្ជាក់ពីការបង្កគ្រោះថ្នាក់ដល់កុមារ រួមទាំងការបង្ហាញពីផលប៉ះពាល់នៃរូបភាព និងខ្លឹមសារនាំឲ្យមានភាពស្អប់ខ្ពើម ដែលសំដៅលើក្មេងប្រុស។

ច្បាប់នេះ នឹងត្រូវបានណែនាំនៅឆ្នាំនេះ ហើយនឹងចូលជាធរក្នុងមានរយៈពេល១២ខែ បន្ទាប់ពីការអនុម័ត។ គ្មានការលើកលែងចំពោះកុមារដែលមានការយល់ព្រមពីឪពុកម្តាយ ឬគណនីដែលមានស្រាប់នោះទេ។ លោក បាននិយាយបន្ថែមថា វេទិកាបណ្តាញផ្សព្វផ្សាយសង្គម ត្រូវតែបង្ហាញថា ពួកគេនឹងរារាំងការចូលប្រើប្រាស់សម្រាប់កុមារ មិនទាន់គ្រប់អាយុ។

ទំនួលខុសត្រូវ នឹងនៅលើវេទិកាបណ្តាញផ្សព្វផ្សាយសង្គម ដើម្បីបង្ហាញថា ពួកគេនឹងមានចំណាត់ការសមហេតុផលដើម្បីទប់ស្កាត់ការចូលប្រើប្រាស់។ ការទទួលខុសត្រូវនឹងមិនស្ថិតនៅលើឪពុកម្តាយ នោះទេ។

រដ្ឋមន្ត្រីក្រសួងទំនាក់ទំនង លោក Michelle Rowland បាននិយាយថា ច្បាប់នឹងអនុវត្តចំពោះវេទិកាដូចជា Meta, Instagram, TikTok និងបណ្តាញ X ។

YouTube ប្រហែលជាត្រូវបានរួមបញ្ចូលផងដែរ។ ប្រទេសជាច្រើន មានផែនការដាក់កម្រិតលើការប្រើប្រាស់បណ្តាញផ្សព្វផ្សាយសង្គមសម្រាប់កុមារ ប៉ុន្តែគោលនយោបាយរបស់ប្រទេសអូស្ត្រាលី គឺជាផ្នែកមួយនៃវិធានការតឹងរ៉ឹងបំផុត។

ប្រទេសបារាំង បានស្នើឱ្យហាមឃាត់បណ្តាញផ្សព្វផ្សាយសង្គមសម្រាប់កុមារ មានអាយុក្រោម១៥ឆ្នាំ ប៉ុន្តែត្រូវបានអនុញ្ញាតមានការលើកលែងប្រសិនបើមានការយល់ព្រមពីឪពុកម្តាយ។