ប្រទេសឆាដកាលពីថ្ងៃសុក្រ បានចោទប្រកាន់ប្រទេសស៊ូដង់ថា បានផ្តល់អាវុធ និងផ្តល់ហិរញ្ញប្បទានដល់ក្រុមឧទ្ទាម នៅលើទឹកដីឆាដ ក្នុងគោលបំណងធ្វើឲ្យអ្នកជិតខាងរបស់ខ្លួន មានអស្ថិរភាព។

ប្រទេសឆាដ បានអះអាងថា ប្រទេសស៊ូដង់ កំពុងជួយដល់ការបះបោរដោយសមាជិកនៃក្រុមជនជាតិភាគតិច Zaghawa ដែលប្រតិបត្តិការចេញពីតំបន់ El Facher ភាគនិរតីរបស់ប្រទេសស៊ូដង់។

រដ្ឋមន្ត្រីការបរទេស និងជាអ្នកនាំពាក្យរដ្ឋាភិបាលលោក Abderaman Koulamallah បាននិយាយនៅក្នុងសេចក្តីប្រកាសព័ត៌មានមួយថា៖«ប្រទេសស៊ូដង់ កំពុងផ្តល់ហិរញ្ញប្បទាន និងបំពាក់អាវុធដល់ក្រុមភេរវករ ដែលកំពុងប្រតិបត្តិការ នៅក្នុងអនុតំបននេះ ក្នុងគោលបំណងធ្វើឲ្យប្រទេសឆាដ មានអស្ថិរភាព»។

ក្រុមឧទ្ទាម Zaghawa ដែលមានមូលដ្ឋាននៅប្រទេសស៊ូដង់ ដឹកនាំដោយលោក Ousman Dillo ដែលជាប្អូនប្រុសរបស់មេដឹកនាំបក្សប្រឆាំងឆាដ លោកYaya Dillo Djerou ដែលត្រូវបានសម្លាប់ដោយកងកម្លាំងយោធាឆាដ កាលពីដើមឆ្នាំនេះ។

នៅក្នុងខែកុម្ភៈ ឆ្នាំ ២០០៨ ក្រុមឧទ្ទាម Zaghawa ដែលមានមូលដ្ឋាននៅប្រទេសស៊ូដង់ បានបើកការវាយលុកមួយក្នុងប្រទេសឆាដ រួមជាមួយនឹងក្រុមផ្សេងទៀត ដោយបង្ខំឲ្យអតីតប្រធានាធិបតីលោក Idriss Deby Itno ជ្រកកោននៅក្នុងវិមានប្រធានាធិបតីរបស់លោក មុនពេលលោក អាចវាយបកទៅលើកពួកគេវិញ ដោយជំនួយពីប្រទេសបារាំង។