ស្ថាប័នផ្តល់ទិន្នន័យ DDHQ បានព្យាករកាលពីថ្ងៃចន្ទ (១១ វិច្ឆិកា) ថា គណបក្សសាធារណរដ្ឋរបស់ប្រធានាធិបតីជាប់ឆ្នោត លោក Donald Trump បានឈ្នះសំឡេងភាគច្រើនដែលត្រូវការគឺ ២១៨អាសនៈ នៅក្នុងសភាតំណាងរាស្រ្តសហរដ្ឋអាមេរិក ដែលជាសញ្ញាបង្ហាញថា អ្នកសាធារណរដ្ឋនឹងកាន់សំឡេងភាគច្រើននៅក្នុងសភាទាំងពីរ។

ស្ថាប័នស្រាវជ្រាវ អ៊ីឌីសុន (Edison Research) មិនទាន់បានព្យាករពីការគ្រប់គ្រងសភាទាំងមូលនៅឡើយទេ គ្រាន់តែបង្ហាញថា បក្សសាធារណរដ្ឋនឹងកាន់កាប់យ៉ាងហោចណាស់ ២១៤អាសនៈ ហើយបក្សប្រជាធិបតេយ្យកាន់កាប់យ៉ាងហោចណាស់ ២០៥អាសនៈ ជាមួយនឹង ១៦អាសនៈ មិនត្រូវបានរាប់។ 

Edison Research បានព្យាករថា បក្សសាធារណរដ្ឋបានទទួលសំឡេងភាគច្រើននៅព្រឹទ្ធសភាអាមេរិកយ៉ាងហោចណាស់ ៥២-៤៦ រួចទៅហើយ។ ក្នុងអំឡុងពេលអាណត្តិប្រធានាធិបតីដំបូងរបស់ខ្លួនឆ្នាំ ២០១៧-២០២១ សមិទ្ធផលដ៏ធំបំផុតរបស់លោក Trump គឺការកាត់បន្ថយពន្ធដែលនឹងត្រូវផុតកំណត់នៅឆ្នាំក្រោយ។

ផ្ទុយទៅវិញ ក្នុងអំឡុងពេលពីរឆ្នាំនៃរដ្ឋាភិបាលដ៏បែកបាក់របស់ខ្លួន ប្រធានាធិបតីបច្ចុប្បន្ន លោក Joe Biden បានទទួលជោគជ័យតិចតួចប៉ុណ្ណោះក្នុងការអនុម័តច្បាប់ ហើយសភាបានជួបការលំបាកក្នុងការអនុវត្តមុខងារមូលដ្ឋានបំផុតរបស់ខ្លួនគឺការផ្តល់ប្រាក់ដែលត្រូវការដើម្បីរក្សារដ្ឋាភិបាលឱ្យនៅដំណើរការ៕