ក្រុមឃ្លាំងមើលសិទ្ធិមនុស្ស បាននិយាយថា អ៊ីស្រាអែល បណ្តាលឲ្យមានការជម្លៀសខ្លួនទាំងបង្ខំរបស់ជនស៊ីវិលនៅក្នុងតំបន់ហ្កាហ្សា ដោយពួកគេប្រព្រឹត្តឧក្រិដ្ឋកម្មសង្រ្គាម និងឧក្រិដ្ឋកម្មប្រឆាំងមនុស្សជាតិ ។

 ក្រុមឃ្លាំមើលសិទ្ធិមនុស្ស និយាយថា ការស៊ើបអង្កេតរបស់ពួកគេបង្ហាញថា អ៊ីស្រាអែលពុំបានបង្ហាញកិច្ចខិតខំបំលាស់ទីជនប៉ាឡេស្ទីនឲ្យឈានដល់លក្ខខណ្ឌត្រូវការនោះឡើយ ក្រោមច្បាប់អន្តរជាតិ ។

 លោក Adam Coogle គឺជាអនុប្រធានអង្គភាពប្រចាំតំបន់មជ្ឈិមបូព៌ា និងអាហ្វ្រិកខាងជើងរបស់ក្រុមឃ្លាំមើលសិទ្ធិមនុស្ស និយាយថា អ៊ីស្រាអែល ពុំបានឈានដល់បន្ទុករបស់ខ្លួននោះឡើយ ។ ដូច្នេះហើយពួកគេបានធ្វើឲ្យមានការជម្លៀសខ្លួនទាំងបង្ខំ ហើយអនុលោមតាមគោលនយោបាយរដ្ឋ វាគឺជាឧក្រិដ្ឋកម្មប្រឆាំងមនុស្សជាតិ ។

 ជាការឆ្លើយតបនឹងការចោទប្រកាន់បែបនេះ អ៊ីស្រាអែល បាននិយាយថា ក្រុមមួយនេះ ប្រើប្រាស់វោហាសាស្រ្តខុសបែបបទដែលប្រាស់ចាកពីការពិតទាំងស្រុង ។

 គួរឲ្យដឹងថា អ៊ីស្រាអែល បានវាយប្រហារតំបន់ហ្កាហ្សាស្រ្ទីប កាលពីរយៈពេលជាង ១ឆ្នាំមុន ក្រោយក្រុមប្រដាប់អាវុធហាម៉ាស់ វាយឆ្មក់តំបន់សហគមន៍នៅភាគខាងត្បូងអ៊ីស្រាអែល ដោយបានសម្លាប់មនុស្ស ១.២០០នាក់ និងចាប់ចំណាប់ថ្នូរ ២៥០នាក់ ។

 យោងតាមការអះអាងរបស់ក្រសួងសុខាភិបាលហ្កាហ្សា បានឲ្យដឹងថា ចាប់តាំងពីពេលនោះមក យុទ្ធនាការសឹករបស់អ៊ីស្រាអែល បានសម្លាប់ជនប៉ាឡេស្ទីនជាង ៤៣.៥០០នាក់ ។

 ប្រតិបត្តិការសឹកនេះ បានបំផ្លិចបំផ្លាញស្ទើទាំងស្រុងហេដ្ឋារចនាសម្ព័ន្ធនៅក្នុងដែនដីបិទច្រកមួយនេះ បង្ខំឲ្យមនុស្សភាគច្រើននៃពលរដ្ឋ ២,៣លាននាក់ ជម្លៀសខ្លួនជាច្រើនលើកច្រើនសារ ៕