ប្រទេសអ៊ុយក្រែន ព្រួយបារម្ភចំពោះការដាច់ចរន្តអគ្គិសនីក្នុងរដូវរងាយូរអង្វែង ក្នុងពេលមានការវាយប្រហាររបស់រុស្ស៊ីលើហេដ្ឋារចនាសម្ព័ន្ធថាមពល ដែលនឹងឈានដល់រយៈពេល១.០០០ថ្ងៃ បន្ទាប់ពីរុស្ស៊ី បានវាយលុកពេញលេញរបស់ខ្លួន លើអ៊ុយក្រែន។

នៅថ្ងៃទី ១៩ខែវិច្ឆិកា គឺមានរយៈពេល១.០០០ថ្ងៃ ចាប់តាំងពីសង្គ្រាមរុស្ស៊ី និងអ៊ុយក្រែន ផ្ទុះឡើង។

រុស្សី បានចាប់ផ្តើមការវាយលុកពេញទំហឹងលើអ៊ុយក្រែន នៅថ្ងៃទី២៤ខែកុម្ភៈ ឆ្នាំ២០២២ ដោយការការឈ្លានពានរបស់រុស្ស៊ីចូលដល់ឆ្នាំទី៣របស់ខ្លួន ហើយកងកម្លាំងរបស់ទីក្រុងគីវ ស្ថិតនៅក្រោមសម្ពាធកាន់តែខ្លាំង។

បន្ទាប់ពីការវាយប្រហាររបស់រុស្ស៊ីដដែលៗទៅលើបណ្តាញអគ្គិសនី ដូចជាកាលពីថ្ងៃអាទិត្យ ទី១៧ ខែវិច្ឆិកា ក្រុមមន្ត្រីបង្ហាញព័ត៌មានលម្អិតមួយចំនួនអំពីលទ្ធផលនៃការវាយប្រហារ និងស្ថានភាពខូចខាតជាច្រើន។

ការតាំងពិពណ៌ជាច្រើនកន្លែង បានបង្ហាញយានយន្តយោធារបស់រុស្ស៊ីដែលត្រូវបានបំផ្លាញ រថយន្តស៊ីវិល ដែលបានរងការខូចខាតក្នុងអំឡុងថ្ងៃដំបូងនៃសង្រ្គាម ព្រមទាំងស្ថានីយ៍បញ្ជូនថាមពលដែលត្រូវបានបំផ្លាញក្នុងការវាយប្រហារតាមអាកាសរបស់រុស្ស៊ី។