មន្រ្តីនៃសេវាសន្តិសុខសហព័ន្ធរុស្ស៊ី (FSB) បានចាប់ខ្លួនជនជាតិអាល្លឺម៉ង់ម្នាក់ ដែលជាប់ពាក់ព័ន្ធក្នុងការបំផ្ទុះស្ថានីយវាស់ឧស្ម័ន នៅក្នុងទីក្រុង Kaliningrad នៅនិទាឃរដូវ ឆ្នាំ ២០២៤ នៅពេលដែលគាត់ បានមកដល់ពីប្រទេសប៉ូឡូញ ដើម្បីបំផ្ទុះរោងចក្រថាមពលរុស្ស៊ី។

FSB បាននិយាយថា៖«ខ្លួនបានឃាត់ខ្លួនឧក្រិដ្ឋជន Nikolai Gaiduk កើតនៅឆ្នាំ ១៩៦៧ ជាអ្នករស់នៅទីក្រុង Hamburg ដែលបានជាប់ពាក់ព័ន្ធក្នុងការបំផ្លិចបំផ្លាញស្ថានីយវាស់ឧស្ម័នធម្មជាតិ នៅក្នុងទីក្រុង Kaliningrad ក្នុងខែមីនា ឆ្នាំ ២០២៤ ដោយប្រើគ្រឿងបំផ្ទុះកែច្នៃ។ យោងតាម FSB បានឲ្យដឹងថា លោក Gaiduk ត្រូវបានចាប់ខ្លួន នៅពេលមកដល់ទីក្រុង Kaliningrad ពីសាធារណរដ្ឋប៉ូឡូញដោយគ្រោងនឹងបំផ្លិចបំផ្លាញទីតាំងថាមពល។

សម្ភារៈផ្ទុះរាវកន្លះលីត្រ ត្រូវបានរឹបអូសពីរថយន្តរបស់គាត់។ FSB បានបន្ថែមថា វាត្រូវបានបង្កើតឡើងដែល Gaiduk បានទទួលភារកិច្ច និងធាតុផ្សំសម្រាប់ផលិតគ្រឿងផ្ទុះពីជនជាតិអ៊ុយក្រែន លោក Alexander Zhorov ដែលរស់នៅក្នុងទីក្រុង Hamburg ។ លោកGaiduk កំពុងស្ថិតក្នុងមន្ទីរឃុំឃាំង នៅពេលនេះ។

វិធានការកំណត់អត្តសញ្ញាណសមគំនិតជាមួយគាត់ កំពុងត្រូវបានចាត់ឡើង។