អាមេរិក៖ រដ្ឋមន្ត្រីការពារជាតិសហរដ្ឋអាមេរិកលោក Lloyd Austin កាលពីថ្ងៃសុក្របាននិយាយថា សហរដ្ឋអាមេរិកនៅតែប្តេជ្ញាចិត្តក្នុងការជួយកោះតៃវ៉ាន់ក្នុងការការពារខ្លួន ខណៈដែលរដ្ឋាភិបាលចិនបានអះអាងឡើងវិញនូវការទាមទារជាយូរអង្វែងរបស់ខ្លួនថា កោះនេះជាទឹកដីរបស់ខ្លួន។ លោក Austin បាននិយាយថា ដូចដែលយើងបានធ្វើលើការគ្រប់គ្រងជាច្រើន យើងនឹងបន្តជួយកោះតៃវ៉ាន់ជាមួយនឹងសមត្ថភាពដែលកោះនេះត្រូវការដើម្បីការពារខ្លួន។
នៅពេលសួរថា តើសហរដ្ឋអាមេរិកនឹងការពារកោះតៃវ៉ាន់ឬទេ ប្រសិនបើកោះនេះត្រូវបានវាយប្រហារដោយប្រទេសចិន លោក Austin និយាយថា លោកនឹងមិនពិភាក្សាអំពីស្ថានភាពដែលប៉ាន់ប្រមាណទុកនោះទេ។ និយាយនៅក្នុងទីក្រុងព្រូសែល បន្ទាប់ពីកិច្ចប្រជុំរដ្ឋមន្ត្រីការពារជាតិរបស់អង្គការ NATO លោក Austin បានលើកឡើងថា ទីក្រុងវ៉ាស៊ីនតោននៅតែប្តេជ្ញាចិត្តចំពោះគោលនយោបាយចិនតែមួយ ជាយូរអង្វែងរបស់ខ្លួន។ លោក Austin បាននិយាយមួយថ្ងៃបន្ទាប់ពីប្រធានាធិបតីសហរដ្ឋអាមេរិកលោក Joe Biden បានអះអាងថា សហរដ្ឋអាមេរិកប្តេជ្ញាការពារកោះនេះប្រសិនបើត្រូវបានវាយប្រហារ។ ថ្មីៗនេះប្រទេសចិនបានបង្កើនការគំរាមកំហែងរបស់ខ្លួន ដើម្បីនាំយកកោះតៃវ៉ាន់ឱ្យស្ថិតក្រោមការគ្រប់គ្រងរបស់ខ្លួន ដោយត្រូវប្រើកម្លាំងប្រសិនបើចាំបាច់ ខណៈបានហោះហើរយន្តហោះចម្បាំងនៅជិតកោះ និងហាត់សមការចុះចតនៅលើឆ្នេរខ្សាច់៕
អត្ថបទ៖ ប៊ុនថន