ប្រទេសអៀរឡង់កំពុងឆ្ពោះទៅរកការត្រលប់មកវិញនៃរដ្ឋាភិបាលចម្រុះដែលដឹកនាំដោយគណបក្ស Fine Gael របស់នាយករដ្ឋមន្ត្រី លោក Simon Harris និងគណបក្ស Fianna Fail ខណៈដែលអ្នកបោះឆ្នោត បានរារាំងនិន្នាការអន្តរជាតិថ្មីៗនេះ ដែលចង់បណ្តេញគណបក្សកំពុងកាន់អំណាច។

គណបក្ស Fianna Fail បានឈ្នះ ២១,៩ភាគរយនៃសន្លឹកឆ្នោតជម្រើសទី១ ដោយនាំមុខក្នុងសំឡេងដ៏ស្ដួចស្ដើងលើគណបក្ស Fine Gael របស់លោក Harris ដែលទទួលបានសំឡេង ២០,៨ភាគរយ។

ចំនួននោះត្រូវបានគេរំពឹងថា នឹងធ្វើឲ្យគណបក្សទាំង២ ខិតទៅជិតនឹងការទទួលបានកៅអី ៨៨អាសនៈដែលត្រូវការសម្រាប់សំឡេងភាគច្រើន ក្នុងសភា Dail ដែលមាន ១៧៤អាសនៈ។ កិច្ចព្រមព្រៀងជាមួយគណបក្សតូចជាង ឬសមាជិកសភាឯករាជ្យ នឹងតម្រូវឲ្យពួកគេធ្វើឲ្យបានសម្រេច។ គណបក្សទាំង២ បានច្រានចោលការធ្វើការជាមួយគណក្ស Sinn Fein ដែលបានឈ្នះ ១៩ភាគរយនៃសន្លឹកឆ្នោតជម្រើសទី១។

ការរាប់សន្លឹកឆ្នោតនៅតែកំពុងបន្តមាន ដោយការរៀបចំបង្កើតសភាចុងក្រោយ អាស្រ័យលើរបៀបដែលអ្នកបោះឆ្នោត ដាក់ចំណាត់ថ្នាក់បេក្ខជន នៅក្នុងប្រព័ន្ធតំណាងសមាមាត្ររបស់ប្រទេសអៀរឡង់៕