សារព័ត៌មាន The Times of Israel បានរាយការណ៍ថា យន្តហោះចម្បាំងអ៊ីស្រាអែល បានបង្ខំជើងហោះហើររបស់អ៊ីរ៉ង់ ដែលសង្ស័យថា បានដឹកអាវុធទៅឲ្យក្រុមហេសបូឡា ផ្លាស់ប្តូរទិសដៅរបស់ខ្លួន នៅពីខាងលើប្រទេសស៊ីរី។

យោងតាមកាសែតនេះ បានឲ្យដឹងថា ឧបទ្ទវហេតុនេះ បានកើតឡើង នៅព្រឹកព្រលឹមថ្ងៃអាទិត្យ នៅពេលដែលយន្តហោះចម្បាំងអ៊ីស្រាអែល បានហោះឡើងសំដៅទៅយន្តហោះអ៊ីរ៉ង់ ហើយទាមទារឲ្យវាវិលវិញ។ យន្តហោះអ៊ីរ៉ង់នោះ បានធ្វើតាមការទាមទារនោះ ភ្លាមៗដែរ។

សារព័ត៌មាននេះ បានកត់សម្គាល់ថា នេះមិនមែនជាលើកទី១ ទេ ដែលកងកម្លាំងយោធាអ៊ីស្រាអែល បានបង្ខំឲ្យយន្តហោះអ៊ីរ៉ង់ដែលត្រូវបានសង្ស័យថា បានបញ្ជូនអាវុធទៅឲ្យក្រុមហេសបូឡា ផ្លាស់ប្តូរទិសដៅ នៅពីខាងលើប្រទេសស៊ីរី ឬអ៊ីរ៉ាក់។

កងកម្លាំងការពារអ៊ីស្រាអែល (IDF) មិនទាន់ធ្វើអត្ថាធិប្បាយអំពីឧប្បត្តិហេតុនេះ នៅឡើយទេ។