មេដឹកនាំកោះតៃវ៉ាន់លោក ឡៃ ឆីង-ទ (Lai Ching-te) បានទៅដល់កោះ Marshall នៅថ្ងៃអង្គារទី ៣ ខែធ្នូសប្ដាហ៍នេះ បន្ទាប់ពីបានទៅបំពេញទស្សនកិច្ចនៅសហរដ្ឋអាមេរិកក្នុងការឈប់សំចតដំបូងនៃដំណើរទស្សនកិច្ចនៅតំបន់ប៉ាស៊ីហ្វិក ដែលបានធ្វើឱ្យក្រុមមេដឹកនាំចិនខឹងសម្បារ។ 

មេដឹកនាំកោះ Marshall លោកស្រី ហ៊ីលដា ហេន (Hilda Heine) បានផ្ដល់ការស្វាគមន៍យ៉ាងកក់ក្តៅចំពោះលោក Lai បន្ទាប់ពីដំណើរដល់រដ្ឋធានី Majuro ។ 

លោក Lai បាននិយាយថា កោះតៃវ៉ាន់ និងកោះ Marshall ចែករំលែកវប្បធម៌ប្រពៃណីរបស់ជនជាតិអូស្ត្រូណេស៊ី ព្រមទាំងតម្លៃនៃសេរីភាព និងលទ្ធិប្រជាធិបតេយ្យ។    

លោក Lai បានចំណាយពេលពីរថ្ងៃនៅសហរដ្ឋអាមេរិក ជាទីដែលលោកបានពិភាក្សាអំពីការគំរាមកំហែងផ្នែកយោធារបស់ចិន ចំពោះកោះតៃវ៉ាន់ ក្នុងអំឡុងជំនួបតាមទូរស័ព្ទជាមួយអតីតប្រធានសភាអាមេរិក លោកស្រី Nancy Pelosi និងបានជួបជាមួយក្រុមមន្ត្រីរដ្ឋាភិបាល និងសមាជិកសភារបស់សហរដ្ឋអាមេរិក។

ចិនប្រឆាំងនឹងការទទួលស្គាល់ជាអន្តរជាតិណាមួយលើកោះតៃវ៉ាន់ និងការអះអាងរបស់ខ្លួនជារដ្ឋអធិបតេយ្យភាព។   

កោះ Marshall គឺជាកោះមួយក្នុងចំណោមសម្ព័ន្ធមិត្តកោះប៉ាស៊ីហ្វិកចំនួនបី ដែលលោក Lai នឹងធ្វើទស្សនកិច្ចជាផ្នែកនៃដំណើរទៅបរទេសលើកដំបូង ចាប់តាំងពីលោកចូលកាន់តំណែងក្នុងខែឧសភា។ ប្រទេសកោះផ្សេងទៀតដែលលោកនឹងទៅបំពេញទស្សនកិច្ច គឺ កោះ ទូវ៉ាលូ និង ប៉ាឡូ៕