មកដល់ពេលនេះ ការស្ថាបនាផ្លូវ៣៨ខ្សែក្នុងក្រុងសៀមរាប សម្រេចបានជាង៨០ភាគរយហើយ

10/26/2021 12:10 PM        36

សៀមរាប ៖ ឯកឧត្ដមទេសរដ្ឋមន្ត្រី ស៊ុន ចាន់ថុល បាន​ដឹក​នាំ​ក្រុម​ការងារ​បច្ចេកទេស​ចុះពិនិត្យ​វឌ្ឍនភាព​គម្រោង​ស្ថាបនា​ហេដ្ឋារចនាសម្ព័ន្ធផ្លូវ៣៨ខ្សែ នៅក្រុងសៀមរាប កាលពីរសៀលថ្ងៃទី២៥ ​ខែ​តុលា ​ឆ្នាំ២០២១នេះ ​ដើម្បី​ពិនិត្យមើលគុណភាពផ្លូវ ការងារអ៊ុតកៅស៊ូ (AC)និងប្រព័ន្ធលូ ស្របតាម​លក្ខណៈបច្ចេកទេស ដែលនឹង​ធ្វើឱ្យឃើញយ៉ាងច្បាស់នូវមុខមាត់ថ្មីនៃក្រុងមួយនេះ​ ខណៈដែលផ្លូវនេះ បានសាងសង់សម្រេចបានជាង៨០ភាគរយហើយ។

ឯកឧត្ដមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួង​សាធារណការ និងដឹកជញ្ជូន មានប្រសាសន៍ថា វឌ្ឍនភាពគម្រោងសាងសង់ហេដ្ឋារចនាសម្ព័ន្ធផ្លូវ៣៨ខ្សែនៅក្រុងសៀមរាប ខេត្ត សៀម​រាបនេះ ក្នុង រយៈពេលជាង ១១ខែកន្លងមកនេះ សម្រេចបាន៨៣,៨៧%នៃទំហំការងារសរុប (២% លឿនជាងផែនការ)។ គម្រោងនេះ គ្រោងបញ្ចប់ការស្ថាបនា នៅចុង ខែធ្នូ ឆ្នាំ២០២១ ខាងមុខនេះ។ គម្រោងសាង​សង់ផ្លូវចំនួន​៣៨ខ្សែក្នុង​ទីរួម​ខេត្ត​សៀម​រាប​ ខេត្តសៀមរាបនេះ មានគោលដៅប្រែក្លាយក្រុង សៀមរាប ខេត្តសៀមរាបឱ្យក្លាយជាទីក្រុងដ៏​ទំនើបពោរពេញ​ដោយ​សោភ័ណ​ភាព បរិស្ថានល្អសម្រាប់ការ រស់នៅ ឱ្យ​សក្ដិសម​ជាទីក្រុងទេសចរណ៍ ​វប្បធម៌ និង​ប្រវត្តិសាស្ត្រ អាចទាក់ទាញ​ភ្ញៀវ​ទេសចរណ៍បាន​កាន់​តែច្រើនសំដៅលើកស្ទួយសេដ្ឋកិច្ច​ជាតិ​ឱ្យកាន់តែមានការរីកចម្រើន ព្រមទាំងធ្វើឱ្យប្រសើរឡើងដល់ ​តភ្ជាប់ពីទីប្រជុំជន​ក្រុង​សៀម​រាប​ទៅកាន់តំបន់ដាច់ស្រយាលផងដែរ។

ជាមួយគ្នានោះ ក៏មានការតភ្ជាប់ប្រព័ន្ធលូចាស់-ថ្មី ដើម្បី សម្រួលកុំឱ្យលិចទឹក និងអាច​ឱ្យ​បង​ប្អូន​ប្រជាពលរដ្ឋ អាចអាស្រ័យប្រើប្រាស់បាន។ ការចុះពិនិត្យនេះក៏ក្នុងគោលបំណង ដើម្បី ពិនិត្យ​មើលវឌ្ឍនភាពការងាររួម និងផ្តល់គោលការដោះស្រាយនូវបញ្ហាប្រឈមនានា ជំរុញឱ្យអង្គភាព​សាងសង់ អនុវត្តតាមលក្ខណៈបច្ចេកទេស សៀវភៅ​បន្ទុក​ឱ្យ​បាន​ត្រឹម​ត្រូវ និងស្តង់ដារ ដែលអាច​ទទួលយកបាន ពោលគឺធ្វើផ្លូវឱ្យមានគុណភាពរឹងមាំ ​អាចប្រើប្រាស់ជាប់បានយូរអង្វែង និង​បញ្ចប់​តាមផែនការគ្រោងទុក។

ឯកឧត្ដម បានបន្ដថា ការងារសាងសង់នូវហេដ្ឋារចនាសម្ព័ន្ធនេះ បានប្រឈមនឹង ​ការរាំស្ទះ​ដោយ​សាវិបត្តិជម្ងឺកូវីដ១៩ ធ្វើ​អោយ​កម្មករ ក៏ដូចអ្នកអនុវត្តមានលំបាកក្នុងការងារប្រតិបត្តិការ ទន្ទឹម​នឹងនេះ ពេលវេលា សម្រាប់​ការ​សាង​សង់​មាន​រយៈ​ពេល​ខ្លី​ក្រុម​ការ​ត្រូវពុះពារធ្វើការងារ ទាំងក្នុង​រដូវវស្សាភ្លៀងធ្លាក់ មាន​ការលំបាក់ក្នុងការងារសាងសង។ តែទោះ​ជាយ៉ាង​នេះ​ក្តី ​ដោយមា​ន​ការ​តាំង​ចិត្ត​ខ្ពស់​ពីក្រុមការងារជំនាញ​ និងការជំរុញយកចិត្តទុកដាក់ខ្ពស់ ពីថ្នាក់ដឹកនាំ ផ្លូវទាំង ៣៨ខ្សែ កំពុង​ត្រូវ​បាន​បន្តកា​រស្ថាបនា​ សម្រេច​បាន​លឿនជាង ផែនការ កំណត់បន្តិច និងសង្ឃឹមថា​ក្រុង​សៀមរាប នឹងត្រូវបានប្តូរមុខមាត់ថ្មី ​នៅ​ក្នុង​ចុង​ឆ្នាំ​នេះ ជាមួយ ហេដ្ឋា​រចនា​សម្ព័ន្ធ​ដឹកជញ្ជូន ល្អប្រណិតសក្តិសមជាទីក្រុងទេសចរាចណ៍វប្បធម៌របស់កម្ពុជា។

ឯកឧត្តម ស៊ុន ចាន់​ថុល ទេសរដ្ឋមន្ត្រី រដ្ឋមន្ដ្រីក្រសួងសាធារណៈការនិងដឹកជញ្ជូន បានមានប្រសាសន៍ថា ខណៈពេល​ដែល​ក្រសួង​មានសម្ភារៈ ត្រួត​ពិនិត្យ​បច្ចេកទេស​បច្ចេក វិទ្យាទំនើបមួយចំនួនហើយនោះ ក្រសួងក៏បានបញ្ជាទិញ សម្ភារៈត្រួតពិនិត្យ មួយ​ចំនួន​ទៀត យក​មកប្រើប្រាស់ដើម្បីធានាថា ផ្លូវទាំង ៣៨ខ្សែត្រូវបានសាងសង់ស្របតាម លក្ខណៈបច្ចេកទេស ជាប់គង់វង្ស​យូរ​អង្វែង​។

គម្រោងកែលម្អហេដ្ឋារចនាសម្ព័ន្ធផ្លូវក្នុងក្រុងសៀមរាប ខេត្តសៀមរាបចំនួន៣៨ ខ្សែ នេះ មាន​ប្រវែងសរុប ១០៦,៤២៤ គីឡូម៉ែត្រ ប្រើប្រាស់ថវិកាជាតិសរុបប្រមាណជាង ​១៤៩.២១៦.៥៩៥ ដុល្លារអាមេរិក ដោយក្នុងនោះចំនួន៩លានដុល្លារ​អាមេរិក​ចំណាយ​លើការងារចាំបាច់ក្នុងការរៀបចំ ស្ថាបនាប្រព័ន្ធបង្ហូរទឹកភ្លៀង និងទឹកកខ្វក់ ឋិតក្រៅគម្រោងសាងសង់ខ្សែផ្លូវទាំង៣៨នេះ ចំណាយ ពេលសាងសង់ចំនួន១៣ខែ គ្រោងនឹងបញ្ចប់នៅចុងឆ្នាំ២០២១៕

អត្ថបទ ៖ ឈិត​ សាវី



អត្ថបទដែលទាក់ទង

ជប៉ុនគាំទ្រគំនិតផ្ដួចផ្ដើមរបស់សម្ដេចតេជោ ដើម្បីធ្វើឱ្យមានការកែលម្អស្ថានភាពនៅមីយ៉ាន់ម៉ា
01/25/2022 06:01 PM        1
រដ្ឋសភា​កម្ពុជា ចាត់ទុក​ការចោទប្រកាន់​របស់​សមាជិក​សភា​អាស៊ាន APHR ជា​ទង្វើ​អសីលធម៌​
01/25/2022 06:01 PM        1
កម្ពុជាបង្ហាញក្ដីបារម្ភចំពោះការបំពុលខ្យល់ទាំងក្នុងតំបន់ និងពិភពលោក
01/25/2022 05:01 PM        1

បណ្ដាញសង្គម

ព័ត៌មានចុងក្រោយ

​ជប៉ុនគាំទ្រគំនិតផ្ដួចផ្ដើមរបស់សម្ដេចតេជោ ដើម្បីធ្វើឱ្យមានការកែលម្អស្ថានភាពនៅមីយ៉ាន់ម៉ា

01/25/2022 06:01 PM
​រដ្ឋសភា​កម្ពុជា ចាត់ទុក​ការចោទប្រកាន់​របស់​សមាជិក​សភា​អាស៊ាន APHR ជា​ទង្វើ​អសីលធម៌​
01/25/2022 06:01 PM
​កម្ពុជាបង្ហាញក្ដីបារម្ភចំពោះការបំពុលខ្យល់ទាំងក្នុងតំបន់ និងពិភពលោក
01/25/2022 05:01 PM
​ប្រមុខការទូតទីម័រខាងកើត នឹងមកកាន់កម្ពុជា ដើម្បីពិភាក្សាពីបញ្ហាចូលជាសមាជិកអាស៊ាន
01/25/2022 04:01 PM
​មន្ត្រី​ក​.​ប​.​ប​.​ បន្ត​ចុះ​ត្រួតពិនិត្យ​សុវត្ថិភាព​ចំណីអាហារ​នៅ​ផ្សារ​អូរឫស្សី ខណៈ​បុណ្យចូលឆ្នាំ​ចិន​ជិត​មកដល់​
01/25/2022 04:01 PM

ព័ត៌មានពេញនិយម

​ក្រសួងអប់រំនឹងពិនិត្យលើកពេលប្រឡងបាក់ឌុបទៅដើមឆ្នាំ២០២២

​អាវុធហត្ថបន្ទាយមានជ័យ៣នាក់រងបួស ក្នុងករណីបង្ក្រាបជនទំនើងថៃនៅក្រុងប៉ោយប៉ែត និងឃាត់ខ្លួនជនបង្ក១៥នាក់
​ឃាត់​ខ្លួន​បុរស​ម្នាក់​ជិះ​រថយន្ត​ស្លាក​លេខ​«នគរបាល» អួត​អាង​ពី​ឥទ្ធិពល​ធ្វើ​ដំណើរ​ក្នុង​តំបន់​បិទខ្ទប់​
​ប្តី-ប្រពន្ធមានផ្ទុកមេរោគកូវីត១៩ (អូមីក្រុង ) ទៅលេងផ្ទះម្តាយនៅស្រុកកំពង់ត្រឡាច អ្នកប៉ះពាល់ផ្ទាល់ និងប្រយោល១៤នាក់
​រឿង​ក្មេងពាល​ ជិះឡាន​មកកាប់គេផ្អើលពេញភូមិ ​គំរាមបាញ់​ មិន​មាន​ចំណាត់ការពីអធិការ​ស្រុក​ព្រៃកប្បាស

ព័ត៌មានវីដេអូ

​តើស្ត្រីមានជំងឺទឹកនោមផ្អែមត្រូវរៀបចំខ្លួនបែបណា ដើម្បីត្រៀមយកបុត្រ ?

10/13/2021 05:10 PM
ប្រមុខ​ការ​ពារជាតិ​កម្ពុជា ​អគុណ​អាមេរិក​ដែល​ជួយ​បណ្តុះបណ្តាល​ជំនាញ​យោធា​កម្ពុជា​ នាពេល​កន្លង​ទៅ
06/08/2021 12:06 PM
សម្តេចតេជោ ហ៊ុន សែន ចាត់តំណាងចុះពិនិត្យការសាងសង់ផ្ទះជូនអតីតយុទ្ធជននៅខេត្តពោធិ៍សាត់
06/05/2021 01:06 PM
ការឆ្លងកូវីដក្នុងក្រុងព្រះសីហនុថមថយបន្តិចក្នុងរយៈពេលចុងក្រោយនេះ ខណៈការចាក់វ៉ាក់សាំងកំពុងដំណើរការ
05/28/2021 02:05 PM
ការអនុវត្តវិធានសុខាភិបាលប្រឆាំងនឹងការឆ្លងជំងឺកូវីដនៅតាមរោងចក្រ នៅមានកម្រិត
05/28/2021 02:05 PM