កម្មវិធីស្បៀងអាហារពិភពលោក(WFP)របស់អង្គការសហប្រជាជាតិ(UN) បានរាយការណ៍ថា អំពើហិង្សា បណ្តាលឲ្យចំនួនពលរដ្ឋជម្លៀសខ្លួនក្នុងប្រទេសកើនឡើងដល់ ៧០ម៉ឺននាក់ ក្នុងនោះមនុស្ស ៥ម៉ឺននាក់ ជម្លៀសខ្លួនដោយសារអសន្តិសុខពាក់ព័ន្ធនឹងក្រុមប្រដាប់អាវុធនារយៈពេល ២សប្តាហ៍កន្លងមកនេះ ។

អ្នកស្រី Tanya Birkbeck គឺជាអ្នកនាំពាក្យហៃទី និយាយថា WFP និយាយផងដែរថា អំឡុងខែវិច្ឆិកា ពួកគេបានចែកចាយស្បៀងអាហារ ៦៣ម៉ឺនបាវនៅទូទាំងទីតាំងចំនួន ៤៨កន្លែងដែលផ្ទល់ជាទីជម្រកដល់ពលរដ្ឋជម្លៀសខ្លួន និងចូលដល់តំបន់ដែលកាលពីមុនពួកគេមិនអាចចូលដល់ ។ ការចែកចាយជំនួយនេះ រួមបញ្ចូលផងដែរអង្ករ និងសណ្តែក ។

របាយការណ៍ដែលបានចេញផ្សាយកាលពីថ្ងៃសុក្រសប្តាហ៍មុន កត់សំគាល់ឃើញថា ចំនួន ៤៨ភាគរយនៃពលរដ្ឋហៃទី បច្ចុប្បន្នប្រឈមនឹងភាពអត់ឃ្លាន ធ្វើឲ្យវាក្លាយជាកម្រិតខ្ពស់បំផុត ចាប់តាំងពីការរញ្ជួយដីបំផ្លិចបំផ្លាញកាលពីឆ្នាំ ២០១០ ៕