នាយករដ្ឋមន្រ្តីជប៉ុនលោក Ishiba Shigeru បាននិយាយប្រាប់ក្រុមអ្នកសារព័ត៌មាននៅថ្ងៃពុធនេះថា លោកនឹងតាមដានយ៉ាងប្រុងប្រយ័ត្នស្ថានភាពនៅកូរ៉េខាងត្បូង បន្ទាប់ពីការប្រកាសច្បាប់អាជ្ញាសឹកដ៏គួរឲ្យភ្ញាក់ផ្អើលនៅក្នុងប្រទេសជិតខាងមួយនេះ កាលពីរយៈពេល ១ថ្ងៃមុន ដែលត្រូវបានដកចេញវិញនៅរយៈពេលប៉ុន្មានម៉ោងក្រោយ ។

ការប្រកាសច្បាប់អាជ្ញាសឹកដោយប្រធានាធិបតីកូរ៉េខាងត្បូងលោក Yoon Suk Yeol កាលពីថ្ងៃអង្គារ បានធ្វើឲ្យមានភាពទាល់ច្រកជាមួយសភា ដែលបានច្រានចោលការប៉ុនប៉ងរបស់លោក ដើម្បីហាមប្រាមសកម្មភាពនយោបាយ និងត្រួតពិនិត្យប្រព័ន្ធផ្សព្វផ្សាយ ។

ក្រុមចម្រុះនៃក្រុមតំណាងរាស្រ្តមកពីគណបក្សប្រឆាំង និយាយថា ពួកគេមានគម្រោងស្នើសុំសេចក្តីស្នើច្បាប់មួយ ដើម្បីចោទប្រកាន់លោក Yoon នៅថ្ងៃពុធនេះ ដែលគួរតែបោះឆ្នោតក្នុងរយៈពេល ៧២ម៉ោង ។

លោក Yoon បានធ្លាក់ប្រជាប្រិយភាពយ៉ាងខ្លាំងនៅកូរ៉េខាងត្បូង ពោលគឺអត្រាគាំទ្ររបស់លោកនៅប្រហែល ២០ភាគរយប៉ុណ្ណោះ អស់រយៈពេលជាច្រើនខែមកហើយ ។ 

គណបក្សអំណាចប្រជាជនរបស់លោក បានទទួលរងបរាជ័យភ្លូកទឹកភ្លូកដីនៅការបោះឆ្នោតសភាកាលពីខែមេសា ឆ្នាំនេះ ដោយប្រគល់ការគ្រប់គ្រងសភាឯកបក្សដល់គណបក្សប្រឆាំងដែលដណ្តើមបានអាសនៈជិត ២ភាគ ៣ ៕