ស្ថានីយវិទ្យុ Kan បានរាយការណ៍ដោយដកស្រង់សម្តីមន្ត្រីជាន់ខ្ពស់អ៊ីស្រាអែលម្នាក់ថា អ៊ីស្រាអែលកំពុងសម្លឹងមើលការវាយប្រហារទ្រង់ទ្រាយធំលើប្រទេសយេម៉ែន

ការវាយប្រហារនេះ នឹងកើតឡើង នៅពេលដែលការឆ្លើយតបរបស់អ៊ីស្រាអែលចំពោះការវាយប្រហារដោយគ្រាប់ផ្លោងមិនឈប់ឈរ លើទឹកដីអ៊ីស្រាអែល ដោយចលនាឧទ្ទាមយេម៉ែន Ansar Allah (ក្រុមហ៊ួទី) ដោយបន្ថែមថា មីស៊ីលបាលីស្ទីកចំនួនពីរគ្រាប់ ត្រូវបានបាញ់ចេញពីប្រទេសយេម៉ែន ឆ្ពោះទៅកាន់ប្រទេសអ៊ីស្រាអែល កាលពីពីរថ្ងៃកន្លងទៅនេះ។

យោងតាមប្រភព Kan បានឲ្យដឹងថា គណៈរដ្ឋមន្ត្រីសង្គ្រាមរបស់អ៊ីស្រាអែលជឿថា «សញ្ញាដ៏ឈឺចាប់ជាងនេះ» គួរតែត្រូវបានបញ្ជូនទៅកាន់ក្រុមហ៊ួទី។

ភាពតានតឹង បានផ្ទុះឡើងម្តងទៀតនៅមជ្ឈិមបូព៌ានៅថ្ងៃទី 0៧ ខែតុលា ឆ្នាំ ២០២៣ នៅពេលដែលក្រុមយុទ្ធជនមកពីចលនាបដិវត្តន៍ប៉ាឡេស្ទីនហាម៉ាសដែលមានមូលដ្ឋាននៅតំបន់ហ្កាហ្សាស្ទ្រីប បានធ្វើការវាយប្រហារដ៏គួរឲ្យភ្ញាក់ផ្អើលមួយលើទឹកដីអ៊ីស្រាអែលពីតំបន់ហ្កាហ្សា ដោយបានសម្លាប់អ្នកស្រុករស់នៅតាមព្រំដែនអ៊ីស្រាអែល និងចាប់ចំណាប់ថ្នូរជាង ២៤០នាក់ ក្នុងនោះមានស្ត្រី កុមារ និងមនុស្ស         ចាស់។ អ៊ីស្រាអែល បានប្រកាសបិទផ្លូវទាំងស្រុងនៃតំបន់ហ្កាហ្សាស្ទ្រីប និងបានបើកការទម្លាក់គ្រាប់បែកលើតំបន់នេះ និងតំបន់មួយចំនួន ក្នុងប្រទេសលីបង់ និងស៊ីរី ព្រមទាំងប្រតិបត្តិការជើងគោកប្រឆាំងនឹងក្រុមហាម៉ាស នៅតំបន់ហ្កាហ្សាស្ទ្រីប។ អរិភាពបន្តរហូតមកទល់ពេលនេះ។