សម្តេចអគ្គមហាសេនាបតីតេជោ ហ៊ុន សែនប្រធានព្រឹទ្ធសភា នៃព្រះរាជាណាចក្រកម្ពុជា និង​គណៈ​ប្រតិភូ​ជាន់ខ្ពស់ ព្រះរាជាណាចក្រកម្ពុជា នៅព្រឹកថ្ងៃទី១១ ខែធ្នូ ឆ្នាំ២០២៤ ម៉ោងនៅ​រដ្ឋធានី​ដូហា រដ្ឋកាតា បានអញ្ជើញធ្វើដំណើរចាកចេញពីរដ្ឋធានីដូហា រដ្ឋកាតា ក្នុងដំណើរ​ឆ្ពោះ​ទៅ​កាន់​រដ្ឋធានីអង់ការ៉ា ប្រទេសតួកគីយ៉េ ដើម្បីបន្តដំណើរបំពេញទស្សនកិច្ចរយៈពេលពីរថ្ងៃ ចាប់​ពីថ្ងៃទី១១ ដល់ថ្ងៃទី១៣ ខែធ្នូ ឆ្នាំ២០២៤។

នៅអាកាសយានដ្ឋានអន្តរជាតិដូហា វត្តមាន​នៃ​ការ​អញ្ជើញ​ជូន​ដំណើរ​សម្តេច​តេជោ​ប្រធាន​ព្រឹទ្ធ​សភា រួមមានឯកឧត្តម លោកជំទាបជាឥស្សរជនជាន់ខ្ពស់រដ្ឋសភាកាតា និង​ឥស្សរជន​ការ​ទូត​របស់​ព្រះរាជាណាចក្រកម្ពុជាជាច្រើនរូប។

តាមកម្មវិធីដែលបានគ្រោងទុក សម្តេចតេជោ និងគណៈប្រតិភូ​ជាន់​ខ្ពស់​របស់​ព្រះរា​ជា​ណា​ចក្រ​កម្ពុជា​ គ្រោងនិងអញ្ជើញទៅដល់រដ្ឋធានីអង់ការ៉ា ប្រទេសតួកគីយ៉េ នៅវេលាម៉ោង​១៤​និង​១០​នាទី ថ្ងៃទី១១ ខែធ្នូ ឆ្នាំ២០២៤៕