ព្រះមហាក្សត្រ Abdullah II នៃប្រទេសហ្សកដានី និងនាយករដ្ឋមន្ត្រីអ៊ីរ៉ាក់លោក អាម៉េដ សៀ អាល់ ស៊ូដានី (Mohammed Shia' al-Sudani) កាលពីថ្ងៃពុធ បានសង្កត់ធ្ងន់អំពីសារៈសំខាន់នៃការពង្រឹងការសម្របសម្រួលរវាងប្រទេសទាំងពីរ ដើម្បីដោះស្រាយបញ្ហាប្រឈម ដែលបណ្តាលមកពីស្ថានភាពក្នុង    តំបន់។

ក្នុងអំឡុងពេលកិច្ចប្រជុំនៅទីក្រុង Amman ភាគីទាំងពីរ ក៏បានគូសបញ្ជាក់អំពីតម្រូវការ ក្នុងការខិតខំប្រឹងប្រែងជាអតិបរមា ដើម្បីទប់ស្កាត់ការធ្លាក់ចូលទៅក្នុងភាពវឹកវរ និងការពង្រីកជម្លោះ នៅក្នុងតំបន់។ នេះបើយោងតាមសេចក្តីថ្លែងការណ៍របស់តុលាការ Royal Hashemite Court។

ក្នុងជំនួបនោះ ព្រះមហាក្សត្រហ្ស៊កដានី បានបញ្ជាក់ឡើងវិញនូវការគាំទ្ររបស់ប្រទេសរបស់ព្រះអង្គចំពោះប្រជាជនស៊ីរី និងគោរពតាមឆន្ទៈរបស់ពួកគេ ដោយសង្កត់ធ្ងន់លើតម្រូវការ ដើម្បីការពារសន្តិសុខរបស់ប្រទេសស៊ីរី និងប្រជាជនរបស់ខ្លួន។

ព្រះអង្គ ក៏បានគូសបញ្ជាក់ផងដែរអំពីសារៈសំខាន់នៃការបង្កើនកិច្ចខិតខំប្រឹងប្រែងអន្តរជាតិ ដើម្បីសម្រេចបាននូវការបញ្ចប់ជាបន្ទាន់នៃសង្គ្រាមអ៊ីស្រាអែល នៅលើតំបន់ហ្កាហ្សា និងបង្កើនការផ្តល់ជំនួយផ្នែកមនុស្សធម៌ និងវេជ្ជសាស្រ្ត ទ្វេដង។

ព្រះអង្គ ក៏បានព្រមានពីគ្រោះថ្នាក់ដែលបង្កឡើងដោយការបន្តអំពើហិង្សារបស់អ្នកតាំងលំនៅជ្រុលនិយមប្រឆាំងនឹងប៉ាឡេស្ទីន នៅតំបន់វេសបែង និងការរំលោភលើទីតាំងសក្ការៈឥស្លាម និងគ្រិស្តបរិស័ទ នៅក្នុងទីក្រុងហ្ស៊េរុយសាឡឹម។

ទាក់ទងនឹងប្រទេសលីបង់ ព្រះមហាក្សត្រ Abdullah II បានអំពាវនាវឲ្យមានការខិតខំប្រឹងប្រែង ដើម្បីធានាឲ្យបានជោគជ័យនៃបទឈប់បាញ់នេះ។

មេដឹកនាំទាំងពីរ ក៏បានសង្កត់ធ្ងន់លើទំនាក់ទំនងដ៏ស៊ីជម្រៅរវាងប្រទេសទាំងពីរ និងប្រជាជនរបស់ពួកគេ ក៏ដូចជាការប្តេជ្ញាចិត្ត ក្នុងការពង្រឹងកិច្ចសហប្រតិបត្តិការលើគ្រប់វិស័យផងដែរ។