ឧបនាយករដ្ឋមន្ដ្រីអ៊ុយក្រែនលោកស្រី Olga Stefanishina បានប្រាប់សារព័ត៌មាន Politico ថា អាជ្ញា   ធរអ៊ុយក្រែន បានត្រៀមខ្លួនរួចជាស្រេច ដើម្បីធ្វើកិច្ចពិភាក្សាស្តីពីការដាក់ពង្រាយកងកម្លាំងយោធាបរទេស នៅក្នុងប្រទេសនេះ។

នៅពេលឆ្លើយតបទៅនឹងសំណួរថាតើទីក្រុងគីវ ត្រៀមខ្លួនជាស្រេចក្នុងការធ្វើជាម្ចាស់ផ្ទះទទួលកងទ័ពបរទេស នៅលើទឹកដីរបស់ខ្លួនហើយឬយ៉ាងណា?  លោកស្រីបាននិយាយថា អ៊ុយក្រែនត្រៀមខ្លួនជាស្រេច ដើម្បីនិយាយអំពីការងារនេះ»។

ប្រធានាធិបតីបារាំងលោក អេម៉ានុយអែល ម៉ាក្រុង (Emmanuel Macron) បាននិយាយកាលពីថ្ងៃទី ២៦ ខែកុម្ភៈថា ក្នុងកិច្ចប្រជុំនៃក្រុមអ្នកតំណាងមកពីប្រទេសលោកខាងលិចប្រហែល ២០ នៅទីក្រុងប៉ារីស លទ្ធភាពនៃការបញ្ជូនកងទ័ពជើងគោកទៅកាន់អ៊ុយក្រែន ត្រូវបានពិភាក្សា។ បន្ទាប់មកសារព័ត៌មាន Le Monde បានរាយការណ៍ថា លោក ម៉ាក្រុង ចង់បង្កើតសម្ព័ន្ធសហភាពអឺរ៉ុបសម្រាប់ការដាក់ពង្រាយរួមគ្នានៃគ្រូយោធា ទៅកាន់អ៊ុយក្រែន។ កាលពីថ្ងៃទី ២៥ ខែវិច្ឆិកា កាសែតនេះ បានសរសេរថា បណ្តាប្រទេសនៅអឺរ៉ុប បានបន្តការពិភាក្សាអំពីការដាក់ពង្រាយទ័ព ឬយន្តហោះចម្បាំងរបស់ពួកគេពីក្រុមហ៊ុនយោធាឯកជន ទៅកាន់ប្រទេសនេះ។ ទន្ទឹមនឹងនេះ លោក វ្ល៉ូឌីមី ហ្សេឡិនស្គី បានសារភាពថា គ្មាននរណាម្នាក់ក្នុងចំណោមសម្ព័ន្ធមិត្តរបស់លោក បានពិភាក្សារឿងនេះលម្អិតទេ។

អ្នកនាំពាក្យប្រធានាធិបតីរុស្ស៊ី លោក Dmitry Peskov បានព្រមានថា ការដាក់ពង្រាយបុគ្គលិកយោធាបរទេសក្នុងប្រទេសអ៊ុយក្រែន នឹងមានផលអវិជ្ជមានយ៉ាងធ្ងន់ធ្ងរ ដែលអាចមិនអាចជួសជុលបាន។