កីឡា​តេ​ក្វាន់​ដូ​គ្រោង​បញ្ជូន​អត្តពលិក​ទៅ​ហាត់​នៅ​កូរ៉េ បន្ទាប់ពី​បិទ​ខ្ទប់​ហាត់​នៅ​​ពហុ​កីឡដ្ឋាន​ជាតិ​មរតក​តេ​ជោ​

កីឡាតេក្វាន់ដូគ្រោងបញ្ជូនអត្តពលិកទៅហាត់នៅកូរ៉េ បន្ទាប់ពីបិទខ្ទប់ហាត់នៅពហុកីឡដ្ឋានជាតិមរតកតេជោ

តេក្វាន់ដូ៖ ខេមរសហព័ន្ធតេក្វាន់ដូ WT គ្រោងបញ្ជូនកីឡាករ-កីឡាការិនីមួយចំនួនទៅហ្វឹកហាត់នៅសាធារណរដ្ឋកូរ៉េ មុនការប្រកួតកីឡាស៊ីហ្គេមលើកទី៣១ នៅវៀតណាម ស្របពេលបច្ចុប្បន្នក្រុមជម្រើសជាតិរបស់ខ្លួន កំពុងបិទខ្ទប់ប្រមូលផ្ដុំហ្វឹកហាត់យ៉ាងខ្លាំងក្លានៅពហុកីឡដ្ឋានជាតិមរតកតេជោ។

លោក ជ្រិន សុធា អគ្គលេខាធិការសហព័ន្ធបានឲ្យដឹងថា ក្នុងបរិបទកូវីដ-១៩ នេះ ការហ្វឹកហាត់បិទខ្ទប់គឺមានភាពរីកចម្រើនល្អប្រសើរជាងការហ្វឹកហាត់តាម Online ឬតាម Zoom តាមរយៈការកំណត់ពេលវេលាហ្វឹកហាត់ច្បាស់លាស់យ៉ាងហោច ១ថ្ងៃ ៦ម៉ោង រួមទាំងការសិក្សារបស់កីឡាករ-កីឡាការិនីជាដើម។ លោកបានបញ្ជាក់ថា កត្ដាវិជ្ជមាន ៣ចំណុចសម្រាប់ការបិទខ្ទប់ហ្វឹកហាត់នៅពហុកីឡដ្ឋានជាតិមរតកតេជោ ទី១-កីឡាករ-កីឡាការិនីនៅជុំគ្នាងាយស្រួលគ្រប់គ្រង ទាំងការបង្ហាត់បច្ចេកទេស កែកំហុសឆ្គង ហ្វឹកហាត់កម្លាំង កលល្បិច និងការសិក្សារៀនសូត្រ។ ទី២-ចាប់ដៃគូកាន់ target និងពាក់ហ៊ុមឲ្យគ្នាទាត់ទៅវិញទៅមក និងទី៣-គឺការអនុវត្តប្រកួតដោយផ្ទាល់តែម្ដង។

យ៉ាងណាមិញមុនស៊ីហ្គេមនៅវៀតណាមនាខែឧសភា ឆ្នាំ២០២២ សហព័ន្ធត្រៀមបញ្ជូនកីឡាករ-កីឡាការិនីតាមប្រភេទទម្ងន់ដែលម្ចាស់ផ្ទះវៀតណាមបានកំណត់ទៅហ្វឹកហាត់ និងប្រកួតបន្ថែមទៀតនៅសាធារណរដ្ឋកូរ៉េដើម្បីពង្រឹងសមត្ថភាព និងបច្ចេកទេសឆ្ពោះទៅដណ្ដើមមេដាយជូនជាតិ។ ការត្រៀមបោះជុំរុំហ្វឹកហាត់នៅក្រៅប្រទេសនេះ ការចំណាយទាំងអស់គឺជាបន្ទុករបស់គណៈកម្មាធិការជាតិ CAMSOC។ គួរដឹងថា កីឡាតេក្វាន់ដូគឺជាកីឡាមួយប្រភេទក្នុងចំណោម ១៨ប្រភេទកីឡាដែលក្រសួងអប់រំ យុវជន និងកីឡាក្រោមកិច្ចសហការជាមួយ CAMSOC បានរៀបចំបិទខ្ទប់ប្រមូលផ្ដុំនៅពហុកីឡដ្ឋានជាតិមរតកតេជោ ដើម្បីត្រៀមការប្រកួតកីឡាស៊ីហ្គេមលើកទី៣១ នៅវៀតណាមផង និងត្រៀមស៊ីហ្គេមលើកទី៣២ ឆ្នាំ២០២៣ នៅកម្ពុជាផង៕

អត្ថបទ៖ លី ឈុនឡា

អត្ថបទដែលទាក់ទង

វ័យ ៤០ ឆ្នាំ Luka Modric បន្តកិច្ចសន្យាថ្មីជាមួយ AC Milan មួយឆ្នាំទៀត

Arsenal នាំយកខ្សែប្រយុទ្ធក្រិក Christos Tzolis ពី Club Brugge ក្នុងតម្លៃ ៣៤ លានផោន

មន្រ្តីជាន់ខ្ពស់ក្រសួងអប់រំ៖ ការប្រកួតកីឡាជាតិ-កីឡាជាតិជនពិការ ត្រូវរៀបចំតាមលំនាំហ្គេមស្តង់ដា លើប្រភេទកីឡានីមួយៗ

បណ្ដាញសង្គម

ព័ត៌មានចុងក្រោយ

UN ៖ ជាង ២ ភាគ ៣នៃពលរដ្ឋហ្កាហ្សា អាចនឹងប្រឈមនឹងភាពអត់ឃ្លានធ្ងន់ធ្ងរនៅដំណាច់ឆ្នាំនេះ

ប្រធានាធិបតីលីបង់៖ ពេលវេលាមកដល់ហើយ ដើម្បីបញ្ចប់សង្គ្រាម ក្រោយមានជំនួបផ្លែផ្កាជាមួយលោក Trump

មនុស្ស ១៤នាក់ស្លាប់ និង ២៤នាក់រងរបួស អំឡុងការបំផ្ទុះគ្រាប់បែកអត្តឃាតនៅភាគពាយ័ព្យប៉ាគីស្ថាន

ភ្លៀងធ្លាក់ខ្លាំង និងទឹកជំនន់ បានសម្លាប់មនុស្សយ៉ាងហោច ៤០នាក់ នៅរដ្ឋ Assam ប្រទេសឥណ្ឌា

ការឡើងថ្លៃឱសថបង្កបញ្ហាខ្លាំងដល់អ្នកជំងឺមហារីករាប់ពាន់នាក់នៅប្រទេសស៊ូដង់

ព័ត៌មានពេញនិយម

ក្រសួងអប់រំនឹងពិនិត្យលើកពេលប្រឡងបាក់ឌុបទៅដើមឆ្នាំ២០២២

ក្រុមក្មេងទំនើង ០៤នាក់ប្រើដាវ និងពូថៅបង្កហិង្សា ត្រូវតុលាការចោទប្រកាន់ពីបទ « ហិង្សា និងប៉ុនប៉ងឃាតកម្ម »

សម្ដេចតេជោ ហ៊ុន សែន ប្រកាសពីការចាប់ខ្លួនបុរសម្នាក់មានTikTok ឈ្មោះ «ហ៊ៅ អ៊ូខុង» ដែលផ្សព្វផ្សាយបំពុលព័ត៌មាន

សមត្ថកិច្ចខេត្តឧត្តរមានជ័យ ចុះធ្វើការស្រាវជ្រាវឃាត់ខ្លួនជនសង្ស័យចំនួន៣នាក់ លើករណីរំលោភសម្លាប់ នៅសង្កាត់អូរស្មាច់

សាលារដ្ឋចាប់ផ្ដើមផ្លាស់ប្ដូរទៅសិក្សាពេញមួយថ្ងៃដោយបង្រៀនថែមទាំងកំព្យូទ័រ និងភាសាអង់គ្លេស

ព័ត៌មានវីដេអូ

ក្រោយសង្រ្គាមរយៈពេលរាប់ទសវត្សរ៍ជាមួយរបបអ៊ីរ៉ង់ ក្រុមឃឺដមើលឃើញជ័យជំនះកាន់តែខិតជិតមកដល់

រុស្ស៊ី បាញ់មីស៊ីលលើក្រុង Kharkiv បន្ទាប់ពីអ៊ុយក្រែន វាយប្រហារយានដ្រូនដ៏ធំលើរុស្ស៊ី

ចិនជំរុញឲ្យសហរដ្ឋអាមេរិកគោរពការប្តេជ្ញាចិត្ត និងឈប់ផ្ដល់អាវុធដល់កោះតៃវ៉ាន់

កម្មករ និយោជិតនៅភ្នំពេញជិតពីរម៉ឺននាក់ នឹងជួបសម្ដេចតេជោនៅព្រឹកស្អែក

រដ្ឋសភាបានបោះឆ្នោត ផ្តល់សេចក្តីទុកចិត្ត ឯកឧត្តម ឌិត ទីណា ជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

កីឡាតេក្វាន់ដូគ្រោងបញ្ជូនអត្តពលិកទៅហាត់នៅកូរ៉េ បន្ទាប់ពីបិទខ្ទប់ហាត់នៅពហុកីឡដ្ឋានជាតិមរតកតេជោ