នាយករដ្ឋមន្ត្រីបារាំងថ្មី លោកហ្វ្រង់ស្វ័រ បាយរូ(Francois Bayrou) បាននិយាយកាលពីថ្ងៃសុក្រ ទី១៣ ខែធ្នូ ថា លោកបានប្រឈមមុខទៅនឹងបញ្ហាដ៏ធំមួយ ដើម្បីដោះស្រាយឱនភាពរបស់ប្រទេសបារាំង ជាមួយនឹងប្រតិកម្មដ៏ក្តៅគគុករបស់គូប្រជែងចំពោះការតែងតាំងលោក ដែលបង្ហាញពីផលវិបាកនៃការងារដែលលោកត្រូវប្រឈមមុខ។

ប្រធានាធិបតី លោក Emmanuel Macron បានតែងតាំង លោក បាយរូ(Bayrou) ជានាយករដ្ឋមន្ត្រីទីបួនរបស់លោកនៅក្នុងឆ្នាំ២០២៤នេះ ដោយប្រគល់ភារកិច្ចឱ្យសម្ព័ន្ធមិត្តអ្នកនិយមកណ្តាលរបស់លោកឲ្យដឹកនាំប្រទេសបារាំងចេញពីវិបត្តិនយោបាយលើកទីពីរក្នុងរយៈពេលប្រាំមួយខែមកនេះ។ លោក បានចូលជំនួស លោក Michel Barnier ដែលត្រូវបានបណ្តេញចេញដោយសមាជិកសភា កាលពីសប្តាហ៍មុន សម្រាប់ការព្យាយាមដើម្បីអនុម័តកាត់ការចំណាយថវិកា ឆ្នាំ ២០២៥។

លោក Bayrou ដែលជាបេក្ខភាពប្រធានាធិបតីបីលើក ជាអ្នកដែលបានព្រមានជាយូរមកហើយអំពីការខ្ជះខ្ជាយហួសប្រមាណផ្នែកសារពើពន្ធរបស់ប្រទេសបារាំង បានទទួលមរតកសភាដែលមានភាពច្របូកច្របល់ដូចគ្នា ដែលបានទម្លាក់ លោក Barnier ។ ភាពជិតស្និតរបស់លោក ជាមួយ លោក Macron ដែលមិនមានប្រជាប្រិយភាពខ្លាំង ក៏អាចធ្វើឱ្យប៉ះពាល់ដល់លោកផងដែរ។

នៅក្នុងសុន្ទរកថា រួមជាមួយលោក Barnier កាលពីថ្ងៃសុក្រ លោក Bayrou បានទទួលស្គាល់បញ្ហាប្រឈម។ លោកបានថ្លែងថា «គ្មាននរណា ដឹងពីភាពលំបាកនៃស្ថានការណ៍ល្អជាងខ្ញុំនោះទេ។ «ខ្ញុំជឿថាបញ្ហានេះ ឱនភាពនិងបំណុល ជាបញ្ហាដែលបង្កជាបញ្ហាស្មារតី ពុំមែនត្រឹមតែបញ្ហាហិរញ្ញវត្ថុនោះទេ»។

កិច្ចខិតខំប្រឹងប្រែងដើម្បីគ្រប់គ្រងឱនភាព ដែលរំពឹងថានឹងបិទនៅឆ្នាំនេះនៅត្រឹមជាង៦% នៃផលិតផលក្នុងស្រុកសរុប ស្ថិតនៅចំកណ្តាលនៃវិបត្តិនយោបាយរបស់ប្រទេសបារាំង។ 

អាទិភាពភ្លាមៗរបស់លោក Bayrou នឹងត្រូវអនុម័តច្បាប់ពិសេសមួយ ដើម្បីអនុញ្ញាតឲ្យប្រើកញ្ចប់ថវិកាឆ្នាំ ២០២៤ជាមួយនឹងការទប់ទល់ដ៏ខ្លាំងក្លានូវច្បាប់ឆ្នាំ២០២៥ ដែលនឹងមកដល់នៅដើមឆ្នាំក្រោយ។