​

ពលរដ្ឋរស់នៅក្នុងទីក្រុងញូវឌេលី ប្រទេសឥណ្ឌា បានព្យាយមដកដង្ហើមស្រូបយកខ្យល់បរិសុទ្ធ ខណៈពួកគេកំពុងឈ្លក់ផ្សែងពុលនៅថ្ងៃព្រហស្បតិ៍ ទី១៩ ខែធ្នូនេះ។ រូបភាពពីយានដ្រូន បានបង្ហាញពីស្រទាប់ដ៏ក្រាស់នៃផ្សែងអ័ព្ទពុល កំពុងគ្របដណ្តប់ពេញផ្ទៃអាកាសនៅទីក្រុង ដោយការធ្វើចរាចរណ៍បានថយចុះរយៈចម្ងាយនៃការមើលឃើញ ដោយសារតែផ្សែងអ័ព្ទ។

យោងតាមក្រុម IQAir របស់ប្រទេសស្វីស បានឲ្យដឹងថា តួលេខសន្ទស្សន៍គុណភាពខ្យល់ (AQI) មាន១០៨១ ស្ថិតនៅក្នុងប្រភេទ «គ្រោះថ្នាក់»ដោយមានកំហាប់ PM2.5 ១២៣,៤ដងនៃកម្រិតដែលត្រូវបានណែនាំរបស់អង្គការសុខភាពពិភពលោក។

ក្រុមនេះ បានចាត់ចំណាត់ថ្នាក់ទីក្រុងញូវឌេលី ជារដ្ឋធានីដែលមានការបំពុលខ្យល់ខ្លាំងបំផុតរបស់ពិភពលោក។ 

ទីក្រុង ញូវឌេលី បានជួបប្រទះការបំពុលខ្យល់ធ្ងន់ធ្ងររៀងរាល់រដូវរងា ខណៈសីតុណ្ហភាពធ្លាក់ចុះ និងការបំភាយឧស្ម័នខ្យល់ត្រជាក់ ធូលីសំណង់ និងផ្សែងហុយចេញពីចំហេះនៅកសិដ្ឋាន ដែលបានដុតដោយខុសច្បាប់នៅក្នុងរដ្ឋកសិកម្ម មាន រដ្ឋ Punjab រដ្ឋHaryana និងរដ្ឋ Uttar Pradesh ។