​

ក្រោមកម្តៅថ្ងៃដ៏ក្ដៅ នៅសាធារណរដ្ឋប្រជាធិបតេយ្យកុងហ្គោ កសិករដែលកំពុងមើលថែចម្ការរបស់ពួកគេនៅតំបន់ភាគខាងកើតដែលមានភាពប្រទាញប្រទង់គ្នា ត្រូវបានការពារដោយកងរក្សាសន្តិភាពអង្គការសហប្រជាជាតិ។ 

បេសកកម្មរបស់អង្គការសហប្រជាជាតិ បានបង្កើនការត្រួតពិនិត្យកាន់តែខ្លាំងឡើងជាច្រើនឆ្នាំមកនេះ ខណៈជម្លោះនៅភាគខាងកើតរវាងក្រុមឧទ្ទាម កងកម្លាំងស្វ័យការពារ និងកងជីវពលផ្សេងទៀត បានផ្ទុះឡើង។

នៅក្នុងភូមិ Dhendro កសិករ បានគាំទ្រកងកម្លាំងអង្គការសហប្រជាជាតិ។ កសិករ ដែលភាគច្រើន បានភៀសខ្លួនចេញពីលំនៅឋានដោយសារតែជម្លោះ បានទៅជ្រកកោនក្នុងជំរំនៅក្បែរមូលដ្ឋានរបស់អង្គការសហប្រជាជាតិ។

បុរសអាយុ២៣ឆ្នាំម្នាក់ ដែលបានចាកចេញពីភូមិរបស់គាត់ទៅរស់នៅជិតមូលដ្ឋានកងទ័ពមួកខៀវ បានប្រាប់សារព័ត៌មានរ៉យទ័រថា «ខ្ញុំមកទីនេះ ដោយសារតែមានវត្តមានរបស់កងរក្សាសន្តិភាពអង្គការសហប្រជាជាតិ»។ កងរក្សាសន្តិភាពអង្គការសហប្រជាជាតិ ត្រូវបានដាក់ពង្រាយនៅក្នុងប្រទេសកុងហ្គោ ចាប់តាំងពីឆ្នាំ២០១០ ដើម្បីការពារតំបន់ភាគខាងកើតដែលមានជម្លោះ នៅជាប់ព្រំប្រទល់ជាមួយប្រទេសរ៉្វាន់ដា ។

ប្រតិបត្តិការ ត្រូវការពារកសិករដាំ ពោត សណ្ដែក ដំឡូង និងក្តួច ដែលត្រូវបានគេដឹងថា «ការពារការប្រមូលផលដោយសុវត្ថិភាព» ហើយក្នុងគោលបំណងឱ្យពួកគេធ្វើការដោយសេរី ក្នុងរដូវប្រមូលផល និងផ្តល់ការការពារពីក្រុមជីវពលដែលលួចកសិផល និងសម្លាប់ប្រជាជន។