រូបភាពវីដេអូឃ្លីបបញ្ចេញដោយសេវាកម្មសង្រ្គោះបន្ទាន់រដ្ឋអ៊ុយក្រែននៅថ្ងៃសុក្រនេះ ឃើញក្រុមភ្នាក់ងារពន្លត់អគ្គិភ័យ ព្យាយាមពន្លត់ភ្លើងឆាបឆេះឃ្លាំងស្តុកទំនិញនៅទីក្រុងគីវ ខណៈសំណុំផ្សែងហុយឡើងលើអាកាស ។

ចំណងជើងដែលអមជាមួយ និយាយថា ក្រុមការងារសង្រ្គោះបន្ទាន់ ៧២នាក់ ត្រូវបានដាក់ពង្រាយទៅកាន់កន្លែងកើតហេតុ ។ អគ្គិភ័យនេះដែរ ត្រូវបានពន្លត់រួច ក្រោយម៉ោង ៤ព្រឹក ម៉ោងក្នុងស្រុក ហើយគ្មានគ្រោះថ្នាក់ដល់អាយុជីវិត ឬអ្នករងរបួសនោះទេ ។

ទីភ្នាក់ងារពន្លត់អគ្គិភ័យអាចបញ្ជាក់បានទីតាំងអគ្គិភ័យពីបំពង់ទីប ច្រកទ្វារ និងបង្អួចដែលផ្គូរផ្គងជាមួយរូបភាពផ្កាយរណប ។ កាលបរិច្ឆេត ពុំត្រូវបានបញ្ជាក់ផ្ទៀងផ្ទាត់នោះទេ ប៉ុន្តែផែនទីតាមដានអគ្គិភ័យសកលោករបស់អង្គការណាសា បានរកឃើញអគ្គិភ័យកើតឡើងនៅទីតាំងមួយនេះ នៅព្រឹកថ្ងៃសុក្រនេះ ។

នៅក្នុងឧបទ្ទេវហេតុដាច់ដោយឡែកមួយទៀត ក្រុមមន្រ្តីក្នុងស្រុក និយាយថា ការវាយប្រហារដោយមីស៊ីលរុស្ស៊ី បានសម្លាប់មនុស្សម្នាក់ និងធ្វើឲ្យខូចខាតអគារជាច្រើននៅទូទាំងទីក្រុងគីវ ក្រោយការផ្ទុះត្រូវបានគេឮនៅក្នុងរដ្ឋធានីមួយនេះ នាថ្ងៃសុក្រនេះ ៕