ស្រទាប់ក្រាស់នៃផ្សែងអ័ព្ទពុលបានគ្របដណ្ដប់លើទីក្រុង New Delhiរបស់ប្រទេសឥណ្ឌា ស្របពេលមានស្ថានភាពរលកត្រជាក់បានចូលមកដល់នៅក្នុងរដ្ឋធានីនៅថ្ងៃសៅរ៍ ២១ ធ្នូនេះ។

រូបភាពយានដ្រូននៃរដ្ឋធានីរបស់ប្រទេសឥណ្ឌាបានបង្ហាញពីសកម្មភាពចរាចរណ៍ នៅពេលមានការថយចុះចម្ងាយនៃការមើលឃើញ ដោយសារតែគុណភាពខ្យល់កាន់តែយ៉ាប់យ៉ឺន។

យោងតាមក្រុមតាមដានគុណភាពខ្យល់ IQAir របស់ប្រទេសស្វីស តួលេខសន្ទស្សន៍គុណភាពខ្យល់គឺ ៣៨៦ នៅក្នុងប្រភេទគ្រោះថ្នាក់ នៅម៉ោង ៥ល្ងាចម៉ោងនៅក្នុងប្រទេសឥណ្ឌា ។

រដ្ឋធានី New Delhi បានជួបប្រទះការបំពុលយ៉ាងធ្ងន់ធ្ងររៀងរាល់រដូវរងា នៅពេលដែលសីតុណ្ហភាពត្រជាក់ធ្លាក់ចុះ និងការបំភាយធូលីចេញពីការសាងសង់ និងផ្សែងពីភ្លើងដុតបំពួកធ្វើកសិដ្ឋាន ដែលបានដុតដោយខុសច្បាប់នៅក្នុងរដ្ឋកសិកម្ម Punjab, Haryana និង រដ្ឋ Uttar Pradesh ៕