តុលាការកំពូលរបស់ប្រទេសម៉ូហ្សំប៊ិក កាលពីថ្ងៃចន្ទ ទី២៣ ខែធ្នូ បានបញ្ជាក់ពីជ័យជម្នះរបស់គណបក្សកាន់អំណាច Frelimo នៅក្នុងការបោះឆ្នោតខែតុលា បានបង្កឱ្យមានការតវ៉ាទ្រង់ទ្រាយធំដោយក្រុមប្រឆាំងនិយាយថា ការបោះឆ្នោតនេះមានការក្លែងបន្លំ។

ក្រុមប្រឹក្សាធម្មនុញ្ញ បាននិយាយចុងក្រោយជុំវិញដំណើរការបោះឆ្នោត ហើយសេចក្តីសម្រេចរបស់ខ្លួនទំនងជាបានបង្កឱ្យមានការតវ៉ាបន្ថែមទៀតនៅក្នុងប្រទេសម៉ូហ្សំប៊ិក ជាប្រទេសអាហ្វ្រិកខាងត្បូង មានប្រជាជនជិត៣៥លាននាក់ ដែលគណបក្ស Frelimo បានគ្រប់គ្រងចាប់តាំងពីឆ្នាំ១៩៧៥។

ក្រុមអ្នកសង្កេតការណ៍លោកខាងលិច បាននិយាយថា ការបោះឆ្នោតមិនសេរី និងយុត្តិធម៌ទេ ហើយអំឡុងពេលក្រោយការបោះឆ្នោត បានឃើញការតវ៉ាទ្រង់ទ្រាយធំៗជាច្រើនលើកប្រឆាំងគណបក្ស Frelimo នៅក្នុងប្រវត្តិសាស្រ្តរបស់ប្រទេសម៉ូហ្សំប៊ិក។

យោងតាមក្រុមអ្នកឃ្លាំមើលសង្គមស៊ីវិលមួយ បានឱ្យដឹងថា មនុស្សយ៉ាងហោចណាស់១៣០នាក់ត្រូវបានសម្លាប់នៅក្នុងការប៉ះទង្គិចគ្នាជាមួយនគរបាល។

នៅខាងក្រៅមជ្ឈមណ្ឌលសន្និសីទក្នុងរដ្ឋធានី Maputo ជាកន្លែងដែលចៅក្រមជាន់ខ្ពស់នៃក្រុមប្រឹក្សាធម្មនុញ្ញ បានប្រកាសថា លោក Daniel Chapo របស់គណបក្ស Frelimo ជាប្រធានាធិបតីជាប់ឆ្នោត ហើយគណបក្សនេះបានរក្សាសំឡេងភាគច្រើននៅក្នុងសភា។