បាល់ទាត់៖ លីគកំពូលកម្ពុជា រឺមិត្តហ្វូនខាំបូឌានលីគត្រឡប់មកវិញនៅថ្ងៃទី០៣ ខែវិច្ឆិកានេះហើយ ជាដំណឹងមួយដ៏ល្អដោយអនុញ្ញាតឱ្យអ្នកចូលរួមទស្សនាពាក់កណ្ដាលចំនួនកៅអីសរុបនៃកីឡដ្ឋាន។ ការប្រកួតស្អែកជាការប្រកួតបង្គ្រប់សប្តាហ៍ទី១៥ រវាងក្លិបអង្គរថាយហ្គឺរជាមួយនឹងក្រុមប្រជែងជើងឯកវិសាខាវេលាម៉ោង ៣និង៣០នាទីរសៀលហើយត្រូវផ្សាយផ្ទាល់ពី BTV News។
ក្លិបអង្គរថាយហ្គឺរបានឱ្យដឹងថា ពួកយើងមានសេចក្ដីរីករាយក្នុងការប្រកាសទៅដល់អ្នកគាំទ្រទាំងអស់ឲ្យបានជ្រាបថា ការប្រកួតរវាងអង្គរថាយហ្គឺរទល់នឹងវិសាខានៅថ្ងៃទី០៣ ខែវិច្ឆិកា ឆ្នាំ២០២១ ក្លិបនឹងធ្វើការបើកកីឡដ្ឋានទទួលស្វាគមន៍ទស្សនិកជនឲ្យចូលទស្សនាការប្រកួតនៅកីឡដ្ឋាន អេស អ យូ ចំនួន ២០០០ពាន់កៅអីដោយឥតគិតថ្លៃ។ ក្លិបបញ្ជាក់បន្ថែមទៀតថា អ្នកគាំទ្រត្រូវភ្ជាប់មកជាមួយនូវអត្តសញ្ញាណប័ណ្ណ និងប័ណ្ណចាក់វ៉ាក់សាំង ហើយការផ្តល់ជូននេះធ្វើឡើងនៅថ្ងៃទី០២ ខែវិច្ឆិកានេះនៅការិយាល័យក្លិបតែម្តង។ សូមជម្រាបជូនថា ក្រោយលេងបាន ១៦ប្រកួតក្លិបអង្គរថាយហ្គឺរឈរនៅចំណាត់ថ្នាក់ទី៦ មាន ២៧ពិន្ទុ ចំនែកវិសាខាឈរនៅលេខ៣ មាន ៣៥ពិន្ទុ៕
អត្ថបទ៖ គង់ ហួន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
