ទូរទស្សន៍ Al Jazeera ដែលមានមូលដ្ឋាននៅប្រទេសកាតា បានរាយការណ៍ថា ជនជាតិប៉ាឡេស្ទីន ៨នាក់ បានស្លាប់ដោយសាររោគខ្វះកម្តៅ ក្នុងជំរំជនភៀសខ្លួន នៅតំបន់ហ្កាហ្សាស្ទ្រីប ក្នុងរយៈពេលពីរថ្ងៃកន្លងមកនេះ។

ទារកទី៧ បានស្លាប់ដោយសាររោគខ្វះកម្តៅ នៅតំបន់ហ្កាហ្សា ដែលនាំឲ្យចំនួនអ្នកស្លាប់សរុបកើនដល់ ៨នាក់។ ទន្ទឹមនឹងនេះ ភ្លៀងធ្លាក់ខ្លាំង និងទឹកជំនន់ កំពុងធ្វើឲ្យជីវិតជនភៀសខ្លួនប៉ាឡេស្ទីនដែលរស់នៅក្នុងតង់បណ្តោះអាសន្ន កាន់តែធ្ងន់ធ្ងរ។

ទីភ្នាក់ងារសារព័ត៌មាន WAFA របស់ប៉ាឡេស្ទីន បានរាយការណ៍ដោយដកស្រង់ពីអគ្គនាយកដ្ឋានការពារជនស៊ីវិល នៅតំបន់ហ្កាហ្សាថា៖«ការអមដោយភ្លៀងធ្លាក់យ៉ាងខ្លាំង បានធ្វើឲ្យប៉ះពាល់ដល់ប្រជជនរាប់   ពាន់គ្រួសារ ដែលផ្លាស់ទីលំនៅ។ តង់ជាង ១.៥០០ ត្រូវបានជន់លិច នៅក្នុងបរិវេណនោះ។

លោក Philippe Lazzarini អគ្គស្នងការនៃទីភ្នាក់ងារជំនួយ និងការងាររបស់អង្គការសហប្រជាជាតិសម្រាប់ជនភៀសខ្លួនប៉ាឡេស្ទីន នៅតំបន់ដើមបូព៌ា (UNRWA) មុននេះ បានចង្អុលទៅស្ថានភាពដ៏ធ្ងន់ធ្ងរ មួយនៅក្នុងដែនដីនេះ។ យោងតាមលោក បានឲ្យដឹងថា «ភួយ ពូក និងការផ្គត់ផ្គង់រដូវរងាផ្សេងទៀត បានជាប់គាំងនៅក្នុងតំបន់ អស់រយៈពេលជាច្រើនខែ រង់ចាំការយល់ព្រម ដើម្បីចូលទៅក្នុងតំបន់ ហហ្កាហ្សា។

ភាពតានតឹង បានផ្ទុះឡើងម្តងទៀតនៅមជ្ឈិមបូព៌ា នៅថ្ងៃទី ០៧ ខែតុលា ឆ្នាំ ២០២៣ នៅពេលដែលក្រុមយុទ្ធជនហាម៉ាស បានធ្វើការវាយប្រហារដ៏គួរឲ្យភ្ញាក់ផ្អើលមួយលើទឹកដីអ៊ីស្រាអែលពីតំបន់ហ្កាហ្សា ដោយបានសម្លាប់អ្នកស្រុករស់នៅតាមព្រំដែនអ៊ីស្រាអែល និងចាប់ចំណាប់ថ្នូរជាច្រើននាក់។ ជាការឆ្លើយតប អ៊ីស្រាអែលបានបើកការវាយប្រហារតាមអាកាសទៅលើតំបន់ហ្កាហ្សា ក៏ដូចជាផ្នែកខ្លះនៃប្រទេសលីបង់ និងស៊ីរី មុនពេលចាប់ផ្តើមប្រតិបត្តិការជើងគោក នៅក្នុងដែនដីប៉ាឡេស្ទីន។