ស្ថានទូតអាហ្វហ្គានីស្ថានប្រចាំប្រទេសប៉ាគីស្ថាន បាននិយាយថា ជនជាតិអាហ្វហ្គានីស្ថានប្រហែល ៨០០នាក់ ដែលរស់នៅក្នុងរដ្ឋធានី ត្រូវបានចាប់ខ្លួនដោយអាជ្ញាធរ រួមទាំងមួយចំនួនទៀត ដែលបានចុះឈ្មោះជាមួយទីភ្នាក់ងារជនភៀសខ្លួនរបស់អង្គការសហប្រជាជាតិ។

ស្ថានទូតនេះ បានព្រមាននៅក្នុងសេចក្តីថ្លែងការណ៍មួយកាលពីល្ងាចថ្ងៃចន្ទថា ភាពមិនប្រាកដប្រជាជុំវិញដំណើរការទិដ្ឋាការសម្រាប់ជនជាតិអាហ្វហ្គានីស្ថាន នៅក្នុងប្រទេសប៉ាគីស្ថាន បានបង្កឲ្យមាន «បញ្ហានៃការឃុំខ្លួននិងការនិរទេសតាមអំពើចិត្ត»។

ទីក្រុងអ៊ីស្លាម៉ាបាដ បានបង្ក្រាបលើជនជាតិអាហ្វហ្គានីស្ថានដែលមិនមានឯកសារ ខណៈដែលភាពតានតឹងផ្នែកនយោបាយជាមួយទីក្រុងកាប៊ុល បានកើនឡើង ដោយបង្ខំឲ្យជនជាតិអាហ្វហ្គានីស្ថានជាង ៧៨០.000នាក់ ត្រឡប់ទៅវិញឆ្លងកាត់ព្រំដែន ចាប់តាំងពីចុងឆ្នាំ ២០២៣ រួមទាំងអ្នកខ្លះ ដែលបានរស់នៅក្នុងប្រទេសប៉ាគីស្ថានអស់ជាច្រើនទសវត្សរ៍មកហើយ។

ទីក្រុងនេះ បានបញ្ជាក់នៅលើវេទិកាប្រព័ន្ធផ្សព្វផ្សាយសង្គមX៖«ស្ថានទូតអាហ្វហ្គានីស្ថាន បង្ហាញការព្រួយបារម្ភយ៉ាងខ្លាំងចំពោះការឃុំខ្លួនជនជាតិអាហ្វហ្គានីស្ថានប្រមាណ ៨០០នាក់ ក្នុងទីក្រុងអ៊ីស្លាម៉ា បាដ នាពេលថ្មីៗនេះ»។