កម្ពុជាត្រូវបានធ្វើជាម្ចាស់ផ្ទះ នៃកិច្ចប្រជុំ​បណ្តាញ​មន្រ្តី​អត្រានុកូលដ្ឋាន​តំបន់​អាស៊ី​អាគ្នេយ៍​ជា​លើក​ទី២ ដោយកិច្ចប្រជុំនេះមានតំណាងប្រទេសជាច្រើនក្នុងតំបន់អាស៊ីអាគ្នេយ៍ រួម​ទាំង​តំណាង​ប្រទេស​ប៉ាពូ ញូគី ណេ និងអង្គការមួយចំនួនទៀតចូលរួម។

កិច្ចប្រជុំបណ្តាញមន្រ្តីអត្រានុកូលដ្ឋានតំបន់អាស៊ីអាគ្នេយ៍ ដែលកម្ពុជាធ្វើជាម្ចាស់ផ្ទះនេះគឺមាន រយៈ​ពេលបីថ្ងៃគឺចាប់ពីថ្ងៃទី១៤ដល់ថ្ងៃទី១៦ ខែមករា ឆ្នាំ២០២៤ ហើយគោល​បំណង​នៃ​កិច្ច​ប្រជុំ​គឺ​ដើម្បីចែករំលែកចំណេះដឹង ក៏ដូចជាបទពិសោធន៍ក្នុងការអនុវត្តការងារ ដើម្បីស្វែងរក​ដំណោះ​ស្រាយ​រួម​គ្នា តាមរយៈកិច្ចសហការរវាងប្រទេសនិងប្រទេសក្នុងតំបន់ ក្នុងគោលដៅព​ង្រឹង​ប្រព័ន្ធ​ការងារ​អត្រា​នុកូលដ្ឋាន និងអត្តសញ្ញាណកម្មជាដើម។

ថ្លែងនៅក្នុងឱកាសបើកកិច្ចប្រជុំខាងលើនេះ ឧត្តមសេនីយ៍ឯក តុប នេត អគ្គនាយ នៃអគ្គនាយក អត្ត​សញ្ញាណកម្ម និងជាប្រធានលេខាធិការដ្ឋាន នៃគណៈកម្មាធិការជាតិដឹកនាំតម្រង់ទិស ការ​ងារ​​អត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម(គ.ជ.ដ.អ.) បានលើក​ឡើង​ថា កិច្ចប្រជុំនេះគឺជាឱ កាស​ដ៏​ល្អមួ​យ​សម្រាប់​បណ្តាញ​មន្រ្តី​អាត្រនុកូលដ្ឋាន​នៅ​តំបន់​អាស៊ី​អាគ្នេយ៍​បាន​ជួប​ពិភាក្សាគ្នា ដើម្បី រកដំណោះស្រាយរួមគ្នាអំពីបញ្ហាអត្រានុកូលដ្ឋាន និងចែករំលែក​បទ​ពិសោធន៍​គ្នា​ទៅ​វិញទៅមកទាក់ទង និង ប្រធានបទខាងលើនេះ។

នៅក្នុងកិច្ចប្រជុំនោះឯកឧត្តម ឧត្តមសេនីយ៍ឯក បណ្ឌិត តុប នេត បានប្រាប់ដល់អង្គប្រជុំថា ប្រ ទេស​កម្ពុជាបានកំណត់នូវអាទិភាពលើការងារអត្រានុកូលដ្ឋាន ស្ថិតិអត្រានុកូលដ្ឋាន និងអត្ត​សញ្ញាណ​កម្ម សម្រាប់រយៈពេលវែង ដោយក្នុងនោះរួម​មាន​ការ​បង្កើត​នូវ​អ​គ្គនា​យកដ្ឋាន​អត្ត​សញ្ញាណ​កម្ម ដែលប្រមូលផ្តុំ ការងារជំនាញពាក់ព័ន្ធគ្នា ឲ្យស្ថិតនៅក្រោមប្រព័ន្ធគ្រប់គ្រងតែមួយ។ ការដាក់ឲ្យអនុវត្តផែនការយុទ្ធសាស្រ្ត ជាតិ ស្តីពីអត្តសញ្ញាណកម្មរយៈពេល១០ឆ្នាំ របស់រាជ​រដ្ឋាភិបាល​កម្ពុជា ដើម្បីពង្រឹងប្រព័ន្ធចុះបញ្ជីអត្រានុ កូលដ្ឋាន និងអត្តសញ្ញាណកម្ម សម្រេច​ឲ្យ​បាន​នូវ​គោលដៅ«បុគ្គលគ្រប់រូបត្រូវបានកំណត់អត្តសញ្ញាណ និងបុគ្គល​ម្នាក់​ៗ​មាន​អត្ត​សញ្ញាណ​តែមួយ»​។ ការប្រកាសឲ្យប្រើប្រាស់ច្បាប់ស្តីពីអត្រានុកូលដ្ឋាន ស្ថិតិ អត្រានុកូលដ្ឋាន និងអត្ត​សញ្ញាណ​កម្ម​ជាដើម។

ឯកឧត្តមបានបន្ថែមទៀតថា រាជរដ្ឋាភិបាលកម្ពុជា បានតម្កល់ឆន្ទៈផ្នែកនយោបាយយ៉ាងរឹងមាំ ក្នុង ការបន្តជំរុញនិងពង្រឹងការអនុវត្តកំណែទម្រង់ការងារអត្តសញ្ញាណកម្ម ជាក់ស្តែង​«កម្ម​វិធី​នយោបាយ របស់រាជរដ្ឋាភិបាលសម្រាប់ការកសាង និងការការពារមាតុភូមិ២០២៣-២០២៨ និង​ទាំង​យុទ្ធសាស្រ្តបញ្ច កោណដំណាក់កាលទី១» របស់រាជ​រដ្ឋាភិបាល​បាន​ផ្តល់​អាទិភាព​លើ​ការ​ជំរុញ​ការ​អនុវត្តផែនការយុទ្ធ សាស្រ្តជាតិស្តីពីអត្តសញ្ញាណកម្ម និងច្បាប់ស្តីពីអត្រានុកូលដ្ឋាន ស្ថិតិ​អត្រានុកូលដ្ឋាន និងអត្តសញ្ញាណ កម្មឲ្យសម្រេចបានជោគជ័យដូចការគ្រោងទុកផងដែរ៕ អត្ថបទ៖ បាន ចក់