បណ្ដាញទំនាក់ទំនងសង្គមTikTok បានឈប់ដំណើរការនៅសហរដ្ឋអាមេរិកកាលពីល្ងាចថ្ងៃសៅរ៍ ១៨ មករាសប្ដាហ៍នេះ ហើយបានបាត់វត្តមានពីប្រព័ន្ធទាញយកកម្មវិធីរបស់ Apple និង Google មុនពេលច្បាប់នេះចូលជាធរមាននៅថ្ងៃអាទិត្យនេះ ដែលតម្រូវឱ្យបិទវេទិកា ត្រូវបានប្រើប្រាស់ដោយជនជាតិអាមេរិកចំនួន ១៧០លាននាក់។ 

ប្រធានាធិបតីជាប់ឆ្នោតលោក Donald Trump បាននិយាយថ្មីៗនេះថា លោកទំនងជាផ្តល់ពេលវេលាបន្ថែមប្រមាណ៩០ថ្ងៃដល់TikTokពីបម្រាមនេះ បន្ទាប់ពីលោកបានចូលកាន់តំណែងនៅថ្ងៃចន្ទទី២០មករា ។

TikTok ដែលជាកម្មសិទ្ធិរបស់ក្រុមហ៊ុន ByteDance របស់ប្រទេសចិន បានប្រាប់អ្នកប្រើប្រាស់ដែលព្យាយាមប្រើកម្មវិធីនេះនៅម៉ោងប្រហែល១១,៤៥នាទីព្រឹកម៉ោងនៅប្រទេសសិង្ហបុរីថា ច្បាប់ហាមប្រាម TikTok ត្រូវបានអនុម័តនៅក្នុងសហរដ្ឋអាមេរិក។ គួរឲ្យស្ដាយ នោះមានន័យថាអ្នកមិនអាចប្រើប្រាស់បណ្ដាញសង្គម TikTok បានទេនៅពេលនេះ។ លោកប្រធានាធិបតី Trump បានបង្ហាញថាលោកនឹងធ្វើការជាមួយយើងលើដំណោះស្រាយដើម្បីដំណើរការឡើងវិញសម្រាប់ TikTok នៅពេលលោកចូលកាន់តំណែង ។ 

apps កម្មវិធីផ្សេងទៀតដែលគ្រប់គ្រងដោយក្រុមហ៊ុន ByteDance រួមទាំងកម្មវិធីកាត់តវីដេអូ Capcut និងកម្មវិធីជីវិតlifestyle Lemon8 ក៏ត្រូវបានបិទដំណើរការដែរ ហើយមិនអាចប្រើបាននៅក្នុងប្រព័ន្ធទាញយកកម្មវិធីរបស់សហរដ្ឋអាមេរិកបានដូចគ្នា គិតត្រឹមល្ងាចថ្ងៃសៅរ៍។

លោក Trump បានប្រាប់ទូរទស្សន៍ NBC ថា ការបន្ថែមរយៈពេល ៩០ ថ្ងៃគឺជាអ្វីដែលទំនងជានឹងធ្វើ ព្រោះជារឿងសមហេតុផល ។ប្រសិនបើខ្ញុំសម្រេចចិត្តធ្វើនោះ ខ្ញុំប្រហែលជានឹងប្រកាសនៅថ្ងៃចន្ទ៕